27 Nhlangula 2024
Ngu Liberty Mutamba, Ngise Mkhalipe.
![](https://ntepemanama.org/wp-content/uploads/2024/06/img_7552-1-1024x767.jpg)
Izakhimizi zeMpaya Primary eMkhalipe, kwele Gwanda South zihlalele evalweni ngemva koku khitshwa konyawo lukafudu, unyawo lwenkakha amangqongqo, okucatshangelwa ukuba ngundofa obusuhluphile kuleso sikolo.
Ababalisi lezakhamizi zakulowo mango bezikhonona ngokuba kulenyoka etshintsha amabala, lenyamazana abangayaziyo ebonakala esikolo ebusuku. Izinto zonke lezi kubikwa bezihlukuluza ababalisi abangomama, ngokunjalo abahlanu sebafulathela leso sikolo.
Isehlakalo lesi silesikhathi senzakala, ngakho safuqa izikhamizi ukuba zidinge abaphorofitha ukuba bahlole isikolo leso.
Labobaphorofitha bayethekelele isikolo leso izolo, behlabela bangena ezindlini zaba balisi bathola unyawo lofudu, lonyawo lwenkakha lugoqelwe ngamalembu lamangqongqo okuyikho abathe kuhlukuluza leso sikolo.
Umphorofitha we Gospel of Church International uTalent Moyo obehamba lomfowabo owe Johane Masowe, uthe bathole umuthi oyiwo obusetshenziswa njengo ndofa ukuba uhlukuluze ababalisi abango mama.
“Silapha ukuzo khipha into ehlukuluza ababalisi abango mama. Sithole unyawo lwe nkakha lugqiziswe amalembu lamangqongqo, lonyawo lofudu lokunye okuzimpondo okuncane njee. Umuthi loo yiyo obubonwa njenge nyoka nguzulu, njalo utshintshe ube yindoda, uhlukuluze ababalisi besintwana.
“Sinanzelele ukuba isenzo lesi senziwa ngumuntu wakulumango, ngakho ngomthetho asenelisi ukumu yetha ngegama. Sizaphenduka njalo ukuze sizoqeda umsebenzi kunengi okumele sikufeze kulesikolo,” kutsho uMoyo.
Isakhamuzi seDibilashaba uFlorence Moyo uthi indaba yabo ndofa isile sikhathi eside, kodwa lonyaka lowo ndofa udla ubhedu esikolo.
“Indaba kandofa iselisikhathi ihlafunwa kodwa lonyaka kukhanya lowo ndofa usebenza ngamandla ngoba ababalisi sebafulathela isikolo lesi. Kukanti abomoya bathi lowo ndofa ulakho ukubulala umntwana wesikolo. Sihlalele evalweni silapha njenge zakhamizi. Indaba lee iyethusa yikho sabona kungcono ukuthi sidinge abantu bomoya ukuba bazohlola lapha,” kutsho uMoyo.
Umgcinisihlalo we School Development Committe uTsepiso Moyo uthe isikolo asisahambi ngendlela ngenxa yabo ndofa, abafundi lababilisi badlela evalweni.
“Ababilisi abanhlanu sebafulathela isikolo sethu ngoba behlukuluzwa ngu ndofa abathi ulala labo. Kukhanya kuzwakala inyawo zigijima ebusuku lapha njalo kuyake kukhale ingoma yesizwe ebusuku. Abantwana abasafundi ngoba behlala bebuyela emakhaya ngoba kungasela babalisi. Sicine sidinga abathi bengakwanisa ukusincedisa, besixotshele lumoya. Umsebenzi siwubonile njalo asila nsolo, ngokunjalo sifisa kufezwe ukuze isikolo sethu siye phambili,” kutsho uMoyo
UCllr ka Ward 20 uJoram Ndlovu uthe izakhamisi bezikhathezikile njalo inyathelo balethemba ukuba lizasiza, abantwana befunde bekhulekile.
“Indaba le, sihlafunwe kaningi kwaze kwayafika emahofisini awezemfundo basinika imvumo ukuba senze isinqumo sethu njengesigaba. Sabiza abantu abathi bengasinceda babuya bakhipha lowo muthi. Mina bengicabanga ukuthi bazakhipha leyo nyoka kumbe inyamazana thizeni, kodwa bakhuphe izijumba jumba ezilezinto esingazijayelanga lapha. Thina sithabela ukuthi abantwana sebengafunda kuhle kungela lowo ndofa,” kutsho uCllr Ndlovu.
Abaphorofitha bathe abazali baleso sikolo kumele babonge ngemali engange USD$600 ukuze kuphethwe umsebenzi walabo ndofa abase sikolo—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴.
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemana@gmail.com.
Come Advertise With Us.