BY SIPHATHISIWE NCUBE
SENIOR COMMUNITY REPORTER
GUYU- Ukuswelakala kwezulu sokubangele izakhamazi zasemaphandleni aseGwanda ukuba zicele uHulumende ukuba aqhubeke phambili ebanika ukudla kwesocial welfare ngemva kokuba ilanga selitshabalalise isivuno ababesikhangelele.
ISocial welfare lugatsha lukaHulumende olukhangele ukusiza abantu ngesikhathi sobunzima.
Ngemva kokuswelakala kwezulu eleneleyo ezigabeni zeGwanda, izilimo kanye lamadamu sokutshile lokhu okukhangelewe ukuba kulethe indlala enkulu ezigabeni ezisemhlubulweni wangezansi yeMaNdeleni.
Isakhamuzi sikaWard 14 uNkosikazi Nobuhle Moyo ekhuluma lentatheli zindaba yeNtepe-Manama Community Radio uthe:
“Ngokuswelakala kwezulu, izilimo zethu sezitshile ngakho sicela uHulumende ukuba angenele ngokuba aqale ukupha ukudla kuzakhamuzi zonke zemaphandleni.
“Izifuyo lazo azisela madlelo okutsho ukuba sekuyindlala kithi abantu kanye lesezifuyweni zethu,” kutsho uNkosikazi Moyo.
UNkosikazi Moyo uthe bayanxusa ingatsha ezinengi ezincedisa ngokudla ezinjengabo World Vision, Care international ukuthi zincedise izakhamizi ukuba zinqobe lindlala.
Esinye isakhamizi esixoxisane lomsakazo weNtepe-Manama uMnumzana Themban Ncube uthe:
“Lonyaka besilimile sibili kodwa izulu lisibisele emuva kakhulu njengoba besikhangelele ukuphuma lesivuno esihle njenga kweminye iminyaka eyadlulayo kodwa kwehlule ngenxa yokuswelakala kwezulu,” kutsho uMnumzana Ncube.
UNkosikazi Sithabile Ngwenya ongomunye obethola ukudla kweSocial Welfare ugcizelele ngokuthi ukudla kuka Hulumende kumele kwenelise ukutholwa ngumuntu wonke.
NMCR#2022
