10 Mpandula 2024
Ngu Milton Mashasha
Kudaba olutshiye izakhamizi zeNtalale zimadolo nzima lapho isakhamuzi sakuleyo indawo sibanjwe inkuzi sagwazwa satshiywa sisesimweni esingasihle andubana sithathelwe umakhalenkukhwini yisigilamkhuba.
Kubikwa isakhamuzi lesi nguJames Sibanda oleminyaka engamatshumi ayiskhombisa lane (74). Uhlangane lesiga lesi evela zilibazisa emavinkilini eNtalale ngezikhathi zantambama zehola lesithupha.
Ekhuluma lomsakazo kazulu uJames Sibanda ulandise udaba lwakhe kabanzi esithi ubanjwe inkunzi wagwazwa wabuya wathathelwa umakhalekhukhwini wakhe.
“Bengisuka emavikilini ntambama ngisiya ekhaya, ngisanda kucapha ibholoho eduze lePelele Dip, ngezwa sengibanjiwe lenqamu isekhanda lami, ngathi sekutheni ngibuza umuntu lowu obesekade engibambile wathi kimi ngilethe imali ngalwisana laye ngifuna ukuphunyuka wangigwaza ekhanda, ezandleni kanye langaphansi kwesisu eqolo esandleni senxele, wangithathela umakhalekhukhwini wami njengoba bengingela mali abeyifuna wasuka wabaleka wangitshiya khonapho,” kulandisa umnunzana Sibanda.
Uqhubeke esithi waqinisela loba esebuhlungwini ukuze ayefika ekhaya lakhe.
“Ngenelisa ukusukuma ngahamba ngayofika ekhaya, ngazisa umntanami ngalesisehlakalo lapho engincedisa ngokungigezisa igazi elaligeleza.
“Savuka ekuseni sazisa omakhelwane, sayalapho engalimalela khona salandela umzila wesicathula salowo muntu obengilwisa saze sayofika eNtengele lapho esaphelela khona kulowomunzi.
“Sasuka saqoqa kumphathi isigaba uSoul Ncube sisiyabika ukuthi sicabangela ukuthi umuntu owangitshayayo wangigwaza uhlala I kusigaba sakhe.
“Sisalandisa kwafika amapholisa kuleyondawo belojaha ongaba leminyika angamatshumi amabili lane okuthiwa nguPatrick Ngulube odume ngelithi “Phathi”.
“Salandisa udaba lwethu emapholiseni basibuza ukuthi sikwazi njani ukuthi nguye odale lelo icala, sacasisa ukuthi ukuba silandela umzila wesicathulo, bakhupha isicathulo abesigqokile lakanye kwabasobala ukuthi nguye kukanti lomakhalekhukhwini watholakala elawo, ” kulandisa uMnu Sibanda.
UJohanne Sibanda umntaka James uthe waviswa nguyise ebusuku eselele wethuka embona esesimweni esibi.
” Besengilele mina lapho ubaba ofike wangivusa esithi ngizomgezisa ngoba elimele, wasengilandisela isehlakalo lesi, ekuseni savuka sayabikela omakhelwane njalo sayakuleyondawo lapho alimalele khona sahle salonda umzila wesicathulo sazesayofika kulowo muzi weNtengwele kulapho esihlangane lalowo jaha odale icala kumphathi wesigaba esebotshiwe ebotshelwa elinye icala elifanayo elokugwaza omunye untanga wakulesosigaba sentengele, ” kubika umnunzana Johanne.
UBonolo Ncube engumakhelwane kaJames Sibanda ubike ukuba uSibanda ufike kuye ekuseni emtshela ngodaba lokulinyazwa kwakhe izolo.
“Ekuseni kufike uJames Sibanda ehamba lomntanakhe uJohanne besithi ngibaphelekezele lapho alimalele khona izolo, sithe sifika kuleyondawo salandela umzila wesicathulo somuntu ocatshangelwa ukuthi nguye owamgwazayo saze sayafika eNtengwele lapho okwaphelele khona isicathulo koNgulube.
UPhineas Ndlovu ongumalumakhe kaPatrick Ngulube ubike ukuba uNgulube ubotshiwe usemapholiseni.
“UPatrick Ngulube ngumzukulu wami ubotshiwe usemapholiseni ngemva kokulimaza umzawakhe uBrighton Sibanda ngokumgwaza ngeqhamu emavikilini eNtalale koTshaka lokulimaza uJames Sibanda ogwazwe ngeqhamu wathathelwa lomakhalekhukhwini owatholakala elawo,” kusitsho umnunzana Ndlovu.
Uqhubeke esithi uzwa elokudana okukhulu ngezenzo zomzkulu wakhe.@ lesego. โ๐ต๐๐๐๐-๐ด๐๐๐๐๐๐ญ๐ด
๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemanama@gmail.com.
Click the link below to join our WhatsApp Groups.
Come Advertise With Us.
.
