08 Mfumfu 2024
Ngu Liberty Mutamba
Gwanda South- Izakhamizi zika ward 13 lo14 zibambane zabuya lombono wokwakha ikilinika elikhangelelwe ukuthi lilethe ingqubekelaphambili esigabeni njalo liyethule abanengi ubunzima bokuhamba imango emide besiyadinga usizo lokwelatshwa ezindaweni ezikhatshana.
Uhlelo lolu lwasungulwa ngomnyaka ka 2022 yizakhamizi ezikhokhelwa yinduna uNhlamba. Zabumba inhlanganiso ethiwa yiNhlamba Hub Development Group (NHDG) ehlose ukuthuthukisa izabelo ezingaphansi kobukhosi buka Nhlamba ngakho ke umbono wokwakhiwa kwekilinika waba yiwo ogqugquzelwa yizakhamizi ukuthi ukhokhele phambili.
Inhlanganiso leyi isebenza ixhasane losabambe isihlalo seNduna uNhlamba uJefrey Ndlovu-Nhlamba okunguye owakhokhela izakhamizi ukuthi zisungule uhlelo lolu ngokusemthethweni. Ikilinika iqale ukwakhiwa ngeviki ephelileyo lapho uNdlovu-Nhlamba afake isitina sakuqala esiphawula ukuqala komsebenzi.
UNdlovu-Nhlamba uthe iklinika izanceda uzulu ekutholeni usizo eduze njalo ngendlela elula.
“Ikilinika le eqala ukwakhiwa la endaweni yase Ntepe iza letha utshintsho olukhulu ikakhulu kuzakhamizi zako Vela, Manyange, Bhalula, Zhokwe, Bhalula, Samlodi ezihamba imango emide ukuze bafinyelele abeze mpilakahle. Lapha sile Garanyemba le Sengezane kilinika kuphela inengi labantu lithamulwa ngumango omude,” kusitsho uNdlovu-Nhlamba.
Umgcinisihlalo we Nhlamba Hub Development Group uLeonard Moyo (Maplanka) uthe kuqakathekile ukukhokhelwa lokumanyana lenkokheli zomdabu ukuze isigaba sithuthuke.
“Sithe siqala ukusungula iklinika le besincediswa ngamakhosi ethu. Ingakho sibone kuqakathekile ukuba sibabize ukuze bazoqala ngokusemthethweni umsebenzi we klinika yethu. Sibonga uxhaso lwabo lamakhansila ayiwo asincedisa ukuthi sithole incwadi ezifaneleyo ekwakhiweni kwekilinika lethu,” kusitsho uMoyo.
Uzulu wakulowo mango ukhuthazwa ukuthi axhase esakhiweni lesi esisungulweyo ukuze siphangise ukuphela. —𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Click the link below to join our WhatsApp Groups.
Come Advertise With Us.
—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴—
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Click the link below to join our WhatsApp Groups.
Come Advertise With Us.
