04 Mpalakazi 2024
NguMpokiseng Sibanda
Gwanda South-Izakhamizi ezihlala emangweni wedamu lemakapakapa ngaphansi kwenduna uMarupi zithithibele ngenxa yokugcwala kwengwenya egangeni labo ngoba seziswela indawo yokuhlala andubana idamu labo liphele amanzi.
Ukusabalala kwengwenya sekufake impilo zabantu kanye lenyamazana engcopheni kulowo mango. Sekubuye kwaphambanisa ukuqhutshwa kwezinhlelo zokuziphilisa Kanye labantwana abahamba ngeganga besiya ezikolweni zabo.
Ongazange athande ukuziveza ngebizo uthe ukusabalala kwenyamazana lezi kubangelwa ngabasakhulayo.
“Ukusabalala kwalezingwenya kubangwelwa yikuswelakala kwamanzi edamu kubuye kwengezelelwe ngabasakhulayo emphakathini ngoba bezithwalele ubhulo bezitshaya zicine seziswela indawo lapho ezingacatsha khona ngoba idamu seliphele du,” esitsho.
UCrispen Ncube oyisakhamuzi uthe imizila lapho ezihambe khona ibonakala iganga lonke okuyingozi enkulu.
“Ziyingozi enkulu kakhulu lezingwenya ngokugcwala kwazo egangeni zidinga lapho ezingacatsha khona njalo okungenza lomphakathi uphele ngoba zibaliswa ukuthi ziyingozi enkulu. Imizila yazo igcwele iganga lonke okutshengisela ukuthi zikhona,” kusitsho uMnu Ncube.
Ongusabhuku eMakapakapa uEphraim Moyo uthe kuyadingakala ukuthi kutholakala usizo ukuze abantu baphephe.
“Zilobungozi obukhulu lezinyamazana emphakathini lsifiso sethu bekuyikuthi sithole umuntu ongazithenga ukuze zisincedise njengesigaba lapho sesikhulumisane leGwanda Rural District Council eyiyo ezasincedisa ukuthi sithole imvumo,” kusitsho umnu Moyo.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 Group on WhatsApp: https://chat.whatsapp.com/FM9CMb7F1K83o8KDR5Z0LX
Come Advertise With Us.
