05 Mpalakazi 2024
Ngu Liberty Mutamba
Abahlali be Gwanda bangene ku Mpalakazi ngenjalabulo ephezulu, ukuthokoza lokhu kulethwe liqembu leNsimbi Zezhwane ngemva kokwenza izimanga ePhoenix Tshisanyama eGwanda ngempelaviki.
Izigingci bezizwakala idolobho lonke njalo iqembu leli litshaye isikhathi eside, bethokozisa abalandeli babo.
Abalandeli bazwakale bebhiyoza bekhuza iqembu bethi Jiii!,Danko!, Unyawo phansi! Lapho sekukhala idlalale leNsimbi Zezhwane elitsha imbobo zamajuba.
Umsakazo kazulu uxhumane lomqondisi we qembu le Nsimbi zeZhwane uBahlanu Sibanda owaziwa engu ‘SaGqumo’ kwezomculo ebika ukuba abantu be Gwanda babapheths kuhle.
“Abantu be Gwanda sibatshayela ihlombe ngokusixhasa asikaze sibone besilwa njalo besenza ukuganga nxa sibethulela ukudla kwamehlo. Sibonga njalo ubukhokheli be Phoenix Tshisayama. Idlalade lethu iMbobo zamajuba lamikelwe ngabantu ngendlela emangalisayo.”
“Isikhathi sekhisimusi sesi sondela njalo sizimisele ukugidisa uzulu. Sesidinge ezinye insizwa ukuthi zifeze umsebenzi, uHightower lo John Luphahla labo bazabe bencedisana ekuhlabeleni. Sikhangele ukuthi sigidise isizwe sethu. Abantu kabahlale belindile,” kutsho uSibanda.
Okhangele ngezokuzi thokozisa eTshisanyama uTapiwa Gandiwa uthi kuli mpelaviki bazaletha umhlabeleli olodumo owe South Africa uNkosazana Daughter. Kukanti abeNsimbi Zezhwane bazagidisa abantu eMtandawenhema lase Ngoma mhlaka 27 lo 28 kulinyanga.-𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
