28 Mpalakazi 2024
Ngu Milton Mashasha
Iqembu lomdlalo webhola lokuqagai Manama Queens linqobe iqembu le Gwanda Senate Queens nge 20 – 16 kumidlalo edlalelwe eNumber, eManama kumdlalo weBabongiwe Tlou memorial tournament obuqoqwe liqembu abelidlalela eleHot Spurs edlalwe ngeviki ephelileyo.
IBabongiwe Tlou memorial tournament idlalwa iminyaka yonke kukhunjulwa uBaboe owabhubha ngomnyaka ka2020 eleminyaka engu 26.
Iqembu leManama Queens leleGwanda Senate Queens aqede ihlandla lakuqala kungutshiki lobhaqa 5-5 kwathi ngehladla lesithathu iSenate yakhokhela nge14-13 kukanti izinto zaguquka kuhladla lesine elokucina lapho iManama Queens ikhulele iSenate yayibhuqa umdlalo waphela iManama Queens ile20 kukanti izethekeli iSenate ilandela emuva nge14(20-14)kwaba yikuphakamisa kwayo Inkezo iManama Queens kuyikho ukuqala ukufika kulesibanga kumidlalo njengeqembu.
Ekhuluma lomsakazo kazulu umsekeli kamqeqetshi we Manama Queens uMduduzi Makwaiba ubike ukuba iqembu lakhe selidlala kunzinga eliphezulu.
“Iqembu lethu selidlala kunzinga eliphezulu ngoba selokhu sadlala imidlalo asikaze sifike kulesisigaba njalo sikhangele leqembu ebesidlala lalo kulesisigaba iGwanda Senate Queens, liqembu elikhulu elilabadlali abadlala kusigaba esiphezulu njalo sebelesikhathi bephatheka kulowumdlalo webhola lokuqaga, ngithemba bengaqhubeka besebenza kanzima njalo sinanzelela ukuthi labaqeqetshi baleliqembu basebenza gadalala ukuphakamisa leli qembu belifaka kusibanga esiphezulu” kulandisa Makwaiba.
Uqhubekele phambili eveza ukuba balokujabula ngokuphakanyiswa kwabo mama kwezemidlalo.
“Siyajabula kakhulu ngoba abantwana abangamankazana labomama bayaphakanyiswa kwezemidlalo banikwa amathuba afananayo lawabobaba njalo lokhu kubasusa ekucabangeni ukusebenzisa kumbe ukuthatha izidakamizwa ngoba isikhathi sabo esinengi bayabe besenza okwemidlalo” kubika Makwaiba.
Umsakazo kazulu uxumane njalo loMhlonitshwa ngemva kokunqoba kweManama Queens ubaba uKhansela UNtuthuko Nyathi owe Ward 17 obike ukuba amaqembu amanengi alabomama abakhulileyo.
“Amaqembu ambalwa abomama alabomama asebekhulile, kuyajabulisa lokhu kakhulu ngoba yibo phela abakhokhela abasakhulayo amankazana aphatheka kuleyi midlalo njalo labo abasakhulayo amantombazana babaletshukutshu yokudlala leyi midlalo ngokubona omama abakhulileyo bagijima bedlala bephatheka kwezemidlalo, “kubika uClr Mnu Nyathi.
Uqhubekele phambili esithi imidlalo iyenza iminzimba ihlale iqinile.
” Ukuphatheka kwezemidlalo kuyanceda kakhulu ngoba umzimba uhlala uqinile njalo lesikhathi sokucabanga ukuthatha Izidakamizwa asikho njalo kuyancedisa ukuyehlisa ukuzithwala kwabesintwana beleminyanyaka engaphansi kwetshumi lesitshiyagolombili kukanti ukubambana lokujabula uzulu endawonye kuyinto enhle kakhulu ngoba kuletha ubudlelano obuhle seyakusela lokhu lokuhambisana siphathisana sisonke, “kuphetha uKhansela uMnu Nyathi.
Umuyi uBabongiwe Tlou wabhubha ngo 2020 eleminyaka engu 27. Ubemdlali we bhola omkhulu ohlala eManama.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 channel on WhatsApp: https://whatsapp.com/channel/0029Vab45XdKGGGD1NN4iL3S
Come Advertise With Us.
