27 Nhlangula 2025
Ngu Pinky Moyo
GARANYEMBA- Omongikazi be Garanyemba Clinic bavukela emfuleni ukuyedinga amanzi andubane bencedise izigulane ekhiliniki leyo, lokhu sekwenze iCommittte labaphathi bekhiliniki leyo bedle amathambo engqondo ukuze bazidingele isisombuluko esingcono.
Omongikazi bakhala ngamanzi angekho duzane lokhu kubenza basebenze nzima njalo bangenelisi ukusiza abantu ngesikhathi. Bavuka baqale bayekukha amanzi esifuleni andubane beqale ukusebenza.
UNkosikazi Precious Ndlovu ongumongikazi eGaranyemba uthi kunzima ukwamukela omama abakhulelweyo ukuthi bazolindela ngoba akula manzi ekilinika.
“Selokhu kwavulwa izindlu zabomama ezokulindela azisebenzi kungenxa yokuthi akula manzi njalo asiyamukeli omama abazobeletha, ngenxa yesimo samanzi esikhangelane laso,”kutsho umaNdlovu”
Umnunzana Mlamuleli Moyo onguDokotela ekilinika uthe kunengi abakhangelane lakho, ukhalaze ngokuthi isidindo sekilinika sesiphelele sokudingeka esinye ngoba leso asisakhanyi kuhle sesisidala.
Umabhalani ka Sobhuku uAnele Sibindi esigabeni seMawane 2 njalo ekugatsha lwe committee yeGaranyemba clinic uthe amasolar aseclinic aphansi kakhulu.
“Amasolar aphansi kakhulu asengozini yokufa ngoba nxa umntwana engajika ilitshe engatshaywa afe, kungabangcono nxa kungatholakala ucingo agonjolozelwe kumbe kukhwezwe ngezinye insimbi abe phezulu,”kutsho umaSibindi
Umnumzana Peter Sibanda uthi ubona esikolo se Garanyemba Secondary School baphila ngcono ngoba bedonselwe amanzi asuka emfuleni esiza esikolo ngakho kungcono kwenziwe ngokufanayo eclinic ukuze kusebenzeke
UMiclas Ndlovu ongukhansila ka Ward 13 uthe sokulesikhathi eside kungela manzi eclinic.
“Kuliqiniso akula manzi ekhilinika yethu. Kusebenzisa nzima ukuswelakala kwamanzi eclinic njalo labomama asebakhelwa izindlu zokulindela kodwa ke badluliselwa kwezinye indawo ngenxa yamanzi,” kutsho uNdlovu.
Inhlanganiso ye HCC (Health Committee Clinic) bathi bazabhalela abaholi incwadi becela usizo lokudonselwa amanzi.
