28 Ntulikazi 2025
Ngu Jonah B Moyo

Amapholisa eZansi yemaNdebeleni asebophe abasolwa ababili abatholakale belembuzi ezingamatshumi amabili lane(24) ezatshontshwa eBeitbridge endaweni ye Chitulipasi, kuviki ephelileyo.
Amadoda amabili abahlala eChitulipasi uProfessor Ngulube lo Philimon Gabriella Ndou zibakhalele eChitulipasi mhlaka 26 Ntulikazi ngemva kokuthi umphakathi ulume amapholisa indlebe, besanda kudlula begcwalise imbuzi emoteni.
Isikhulumeli samapholisa seZansi yemaNdebeleni uInspector Chiratidzo Dube uqinisekisile ukuba amadoda la, sebotshiwe.
“Mhlaka 22 Ntulikazi 2025, umfuyi weChitulipasi wavulela imbuzi zakhe ekuseni ezimatshumi amahlanu lantathu(53) wazitshiya emadlelweni eIpayi, ntambama kwaphenduka ezilitshumi(10). Imbuzi ezingamatshumi amane lantathu(43) azisaphendukanga esibayeni wasebikela amapholisa eChitulipasi.
“Kwathi mhlaka 26 Ntulikazi, amapholisa aselunywa indlebe ngumphakathi ngemva kokubona abasolwa behamba ngemota elembuzi. Amapholisa ahle agijima athola ukuthi imbuzi ezazithwele zazingela maphepha we Veterinary Movement Permit lawamapholisa avumela ukuthi ziqhutshwe, lahle labatshonela emini,” kutsho uInsp Dube.
“Ngemva kophenyo olwayenzwa ngamapholisa kwatholakala ukuthi uNgulube lo Ndou imbuzi ababezithwele ngezomfuyi weChitulipasi owacatshelwa zimbuzi eziyi 43 mhlaka 22 Ntulikazi. Imbuzi lezi Bazitshontshela emadlelweni eShashe. Amadoda lawa abotshwa ahanjiswa eBeitbridge Chitulipasi Post,” kutsho uDube.
Imbuzi ezilitshumi lesificamunwemunye (19) azikatholakali zilokhu zidingwa.
Uzulu uyakhuthazwa ukuthi besebenzisane lamapholisa ukuze kulwisane lokutshontshwa kwezifuyo.