30 Ntulikazi 2025
Ngu Liberty Mutamba
Kulendoda egwetshwe iminyaka elitshumi (10) emthethwandaba weGwanda ngemva kokutholakala ilecala lokuquma njalo atshise intambo ze getsi, eGwanda Lithium Mine ese Mandihongola kwele Gwanda South.
Ucingo lwamagetsi belulesisondo se 250kg, njalo amadoda la, azinika isibindi sekulanda ikhisimusi yanyakenye, lapho abenza khona isigameko lesi
UMtshutshisi uNgonidzashe Shumba ubikele inkantolo ukuba uBongisani Ndlovu (44) labangane bakhe ababili abasadingwa ngamapholisa, beqela eGwanda Lithium Mine baquma intambo yeCopper bayijikela emoteni yabo.
“Amadoda la, abehamba ngemota yohlobo weToyota Fortuner (KP28HBGP) ebidonsa isigengela(JF47MMGP), bathatha intambo lezo, bangena iganga baziquma quma andubane bazitshise.
Ngaleso sikhathi onogada besebeqale ukusola balonda imota bathola intambo zegetsi zithunqa intuthu. Udaba lolu lwabikelwa amapholisa eGuyu.
“Benelisa ukubamba uNdlovu, abangane bakhe ababili bacela empuzini lokhu bedingwa ngamapholisa. Ekutshontsheni bathatha lezinsimbi zokusebenzisa ukuquma izintambo lezo’
Amadoda la, batshontshe intambo ezilentengo engange US$ 2,500. Ingakho ke amadoda la ayephule umthetho,” kubika umnu Shumba.
Undoda lo, ubemiswe phambili kuka Mantshi Sithembiso Ndebele owethule isigwebo seminyaka elitshumi.
“Sikunika isigwebo seminyaka elitshumi yokwephula umthetho oku Section 13(2)of the Copper control Act as amended, umthetho ubopha ulandula ukuqunywa ngencingo zika Getsi.
“Ngokunjalo sizakuthatha ngokusemthethweni imota yohlobo lwe Toyota Fortuner lesigengela sayo ebisenza ukuganga lokhu, lokhu sikwenza silandela uSection 13(2),” kubika uNkosikazi Ndebele.
Phambilini ugatsha lwe ZESA belukhanga ngabantu abaquma intambo bebika ukuba, kuphambanisa ukuhamba komlilo njalo kuvame ukubulala ama sela atshontsha lezo ncingo. Uzulu kumele adlalele khatshana lentambo zika getsi, njalo abike nxa kule phutha emagetsini.
