27 Mpandula 2025
Ngu Musawenkosi Dube
Isikolo seManama high sesinqobe ezinye izikolo zeZansi yemaNdebeleni kumncintiswano wamahlaya oqhutshelwe eMzingwane High izolo.
IManama isizathwala umhlubulo weZansi yeMaNdebeleni kuviki ezayo lapho abazabe beqhudelane lezinye izikolo eziyabe zidabuka kumihlubulo eziyisitshiyagalombili yakulelilizwe.
IManama ayiqabuki ukunqoba kwezamahlaya nyakenye bathatha inkezo yesibili beze beqhudelane lezinye izikolo eMutare.
Umqeqetshi njalo ongumbalisikazi kuleso sikolo uLethukuthula Maposa uthe kuyinjabulo enkulu kakhulu kuye ukuthi bakwazile ukunqoba kulelizinga.
“Siyajabula ukuba senelisile ukunqoba kulelibanga njalo sikhangelele ukuthi sinqobe siphakamise indawo yakithi,” kubika uMaposa.
Umncintiswano wemhlubulo yonke yelizwe uzaqhutshwa kuviki elizayo eMzingwane High mhlaka 1 Mfumfu 2025.
