30 Lwezi 2025
Ngu Liberty Mutamba

UMinister okhangele ugatsha lwezempilakahle lokondliwa kwabantwana uDr Douglas Mombeshora sethembise uzulu ukuba angadleli evalweni ngoba imithi, amaphilisi lenhlelo zokuvikela abantu abaphila legciwane leHIV/AIDS ngeke ziphele elizweni leli.
UDr Mombeshora ubekhuluma lokhu eMzingwane High lapho obekukhanyiswa khona amakhandlela kukhunjulwa abantu abadlula emhlabeni bebulawa ligciwane leHIV/AIDS.
Inhlelo ezinengi ebezincedisa abantu abaphila legciwane bezizimele zodwa. Ingatsha lezo ezineni zakhona sezavalwa.
“Abantu akumelanga badlele evalweni ngenxa yokuthi ingatsha ezinengi sezavalwa. Inhlelo ezihlose ukuvikela abantu abaphila legciwane leHIV/AIDS. Ilizwe selenze imizamo ukuba izibhedlela zingasweli mithi.
“Namhla sikhumbula abantu abadlula emhlabeni bebulawa ligciwane leli. Siqinisekisa njalo ukuba inani labantu ababulawa ligciwane leli kumele lehle. Kuthi labo abaphila legciwane leli labo kumele sibavikele njenge lizwe,” kubika uMombeshora.
Kusasa ilizwe lonke jikelele lizathakazelewa ilanga le World AIDS Day eMzingwane High esiqintini seUmzingwane.

