08 11 Lwezi 2024
Ngu Liberty Mutamba
Izakhamizi zika Ward 13 lo14 ngaphansi kwe nduna uNhlamba seziqoqe imali, lemitshina yokuba bakhiphe udaka edamu le Switsha ebeselingasagcini amanzi.
Idamu le Switsha layakhwa ngo 1956. Lincedisa izakhamizi zeSwitsha, Mawane, Shoboshe, Khonaline, lezinye ezincelelane leSwitsha.
Izakhamizi zakulowo mango zenelise ukwenza umsebenzi lo zixhaswe ngabantu abahlala phandle kwelizwe, abavelela kulowo mhlubulo.
UCllr ka Ward 13 Miclas Ndlovu uthe intuthuko eyenzakala eSwitsha izayenza
isigaba sikhule njalo sithuthuke.
“Okwenzakala eSwitsha yingqubekela phambil enhle kakhulu, singakhangela indlala itshayile esabalweni sakithi njalo ukuswela amanzi kwenzan sihlalele evalweni.
“Idamu leli lizanceda izakhamizi ngoku gcina amanzi, izivande sesizavuka abantu bathole ukudla, kukanti lenkomo zizathola amanzi eduze. Sinika ezinye izigaba inqobe ukuba bazithuthukise,” kutsho uCllr uNdlovu.
Esethula amazwi ngentuthuko le omele iGwanda South edale le phalamende uDr Omphile Marupi uthe kuqakathekile ukuba izabelo zimanyane zithuthukisa isigaba.
“Ngithanda ukuletha ukubonga okukhulu kubahlali be Switsha- Ward 13. Idamu le Switsha elayakhwa ngo1956. Beseligcwele udaka, lingasabambi manzi.Izakhamizi sezithole imitshina ukuba kukhitshwe udaka
Ngithemba singabambana, sixhasane sizanqoba,” kutsho uMarupi.
