Ngu Liberty Mutamba
Umsekeli kaMongameli uVP Dr Kembo C. D Mohadi uthi imidlalo kaHulumelende ebiqhutshwa edolobheni le Gwanda itshengise ukuzimisela kwelizwe ekuthuthukiseni impilakahle, ukubambana kanye lokusebenzelena ndawonye kwezisebenzi zika Hulumende.
Amazwi kaMsekeli kaMongameli uDr Mohadi ayethulwe ngokhangele isigaba seZansi yemaNdebeleni kwezentuthuko lenqgubekela phambili uHon Albert Nguluvhe.
“Izisebenzi zika Hulumende zethekelele idolobho le Gwandaa ngeviki ephelileyo ukuzoqhuba imidlalo efana lebhola lokuqaga, ukugijima, ichess, modelling, ukucula, volleyball, unobhutshuzwayo, tug of war, amadarts leminye imidlalo etshiyeneyo.
“Ukubona izisebenzi zika Hulumende zigcwele ndawonye ziqhuba imidlalo le kutshengisa ukubambana, lokusebenzelena. Imidlalo le, sifisa ukuyibona idlulela kungatsha ezizimele lezinye ingatsha esisebenza lazo ukuze sithuthule ilizwe lethu. Ukubona izisebenzi zika Hulumende zimanyana lapha kutshengisa ukuthi bazimisele ukulwisana lemikhuhlane etshiyeneyo engabehlela besemsebenzini njalo bafuna ukukhulula ingqondo zabo.
“Izisebenzi zika Hulumende zikhangelelwe ukuthuthukisa ilizwe leZimbabwe. Ukuqhuba inhlelo ezibamba imidlalo, ezamasiko, lokuqhuba imithetho kuzabanika umdladla wokuthi basebenze beqinile njalo belenhloso yokuthuthukisa ilizwe lethu,” kubika uVP Mohadi.
Ugatsha lwezokuliima luthole imiklomelo eminengi ukudllula ingatsha zonke zikaHulumende kulumncintiswano. Lonyaka imidlalo ye Inter-Ministerial Sports Festival ibihamba ngaphansi kwendikimba ethi “Healthy Nation, Productive Workforce”
Omele iGwanda South edale lephalamende njalo engumsekeli kaMinister kwezokwethulwa lokusakazwa kwezemibiko uHon Omphile Marupi, umsekeli kaMinister kugatsha lokuvukatsha lokuhlanisana kuhle uHon Tongai Mnangagwa. Unobhala omkhulu kwezokwethulwa lokusakazwa kwezemibiko uNick Mangwana, Unobhala omkhulu kwezemidlalo lezamasiko UNicholas Moyo, umlisa uManyunyu, usodolobho we Gwanda uThulani Moyo Iziphathamandla, kanye kezisebenzi zikahulumende ezitshiyeneyo bezithe gwaqa enkundleni ye Phelandaba, Gwanda.
