01 Mabasa 2025
Ngu Liberty Mutamba
Iqembu le Scotland selikhulumisane labakhokheli beGwanda Pirates FC, iqembu le Scotland lifuna ukuthenga iGwanda Pirates.
Abakhokheli bamaqembu la, bahlangane ehoteleni koBulawayo ngemva komdlalo we Scotland le Highlanders, odlalwe Nge Sonto.
Isikhulumeli se Scotland uThulani ‘Javas’ Sibanda ubikele umsakazo.
“Kuliqiniso, sisalungisa amaphepha ukuba sithenge iqembu le Gwanda Pirates. Besidinga iqembu elidlala eMatabeleland njalo sesibone ukuba iqembu le Gwanda Pirates lingasenzela kuhle,” kubika uSibanda.
IScotland ingene ku Premier league kuli sizini njalo ithenge abadlali abanengi. Lokhu kuveza ukuba ilemali nanko ke bonke abadlali bayo behamba ngezimota.
Sixhumane lesikhulumeli se Gwanda Pirates uCleopas Mpofu ebika ukuba amaphepha asalungiswa.
“Kusalungiswa amaphepha abantu be Scotland bebedinga iqembu ngapha eMatabeleland njalo sebekhethe thina. Sizakhipha isaziso esigcweleyo uma sekuphelile, okwakhathesi ingxenye yabakhokheli ise Mabvuku kulungiswa udaba lolu,” kubika uMpofu.
IGwanda Pirates isike yadlala lama qembu anjengabo Highlanders, umdlalo lo wanyakazisa iPhelandaba stadium.
