16 Mpandula 2024
Ngu Milton Mashasha.
GWANDA SOUTH- Izakhamuzi zika Ward 11 kanye lo 12 zithwele amagabha avuzayo ngenxa yokuswelakala kwamanzi edamu labo leMene osekubangela ukuthi izifuyo zibanjwe ludaka lapho zizama ukuthi zinathe kukanti ezinye zicina zifela phakathi kwedamu.
Ukungani kuhle kwezulu yikuguquka kwesimo somkhathi kuhamba lesomiso esihlasele ilizwe lonke jikelele (El Nino-induced drought) sekutshiye abanegi bevale izibaya ngoba sebephelelwe yizifuyo zibulawa yindlala.
UJoseph Sibanda ngomunye wabalimi abakhathazekileyo ngenxa yokuswelakala kwamanzi esithi ubunzima sebuphezulu kwamandla abo.
“Ukuswelakala kwamanzi ezifuyweni zethu kusitshayisa ngamakhanda asisakwazi ukuthi senzenjani ngoba izifuyo zethu zizaphela zonke.
Ngikhuphe inkomo zami eziyisithupa lamhla ekuseni zibanjelwe, eyodwa ibikhanya isesimweni esibi kakhulu ngoba zicakile kazila mandla ngenxa yokuswela ukudla kanye lamanzi,” kusitsho umnunzana Sibanda.
Uqhubeke esithi njengabalimi bafisa ukuncediswa ukuze benelise ukuthola amanzi ezifuyo zabo.
“Isifiso sami ngesokuthi sincediswe ngokudonsa amanzi ngomtshina (engine) sizinathise zingayi dinga amanzi edamu ngoba zisengozini yokubanjelwa”.
ULife Mabanga uthe kuyadingakala ukuthi abalimi bebambane ukuze bangqobe ubunzima lobu ababhekane labo.
“loludaba lodaka selufuna abantu babambane ukuze senqabele ukubanjelwa kwezifuyo ezicina sezisifa. Kuyadingakala ukuthi sincedisane njengezakhamizi ukuthi kulindwe idamu kuthi lapho zisondela zizodinga amanzi kube lomuntu ozazixotsha ukuze kwenqatshelwe ukubanjelwa kwazo edakeni,” kusitsho umnunzana Mabanga.
UCollen Nyoni uthe njengabalimi bayaludinga usekelo lokuthi bagejelwe idamu labo.
“Bekungaba nganeno nxa besingathola ongasincedisa ukukhipha udaka edamu ukuze sibelendawo eyodwa lapho ezizangena khona zinatha ngoba
ngaphandle kwalokho sizaphelelwa yizifuyo sikhangele, kodwa okunye ngiqoqonsela abalimi ukuthi balandele izifuyo zabo zisiya dinga amanzi,” kusitsho umnu Nyoni.
UThembelani Msendami ukhuthaze abalimi ukuthi abafake izifuyo zabo amacici lomtshiso.
“Mina ngikhuthaza abalimi ukuthi bafake izifuyo zabo amacici lomtshiso ukuzasiza ekuboniseni ukuthi isifuyo ngesikabani njalo ngesangaphi kwendawo ngoba kunje kulezifuyo ezinengi ezibanjelweyo ezinye sezifile kukanti ezinye ziyaphila kodwa akwazakali ukuthi ngezabobani njalo ngezangaphi,” kusitsho umnu Msendami.@ lesegoโ๐ต๐๐๐๐-๐ด๐๐๐๐๐๐ญ๐ด
๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemanama@gmail.com.
Click the link below to join our WhatsApp Groups.
Come Advertise With Us.
