29 Zibandlela 2025
Ngu Reaboka J.Nare
Umkhokheli we Mabaleka Security Company umnumzana Adson Ncube semanyane lezakhamizi zika ward 12 wasabalalisa ikhampani yakhe. Leyo khampani ifundisa intsha yakulowo mango ukuba ngo nogada.
Umnu Ncube usebenza lo Sabbath Makwati oyisakhamuzi seGungwe ukuze bathuthukise intsha njalo bazitholele amathuba omsebenzi.
UNcube lo Makwati bahlafuna amathambo engqondo babona ukuba balwisane lobusela kungcono balethe leyo khampani kubantu bemaphandleni. Bakubona kubalulekile lokhu kwabasakhulayo ngoba kubavulela amathuba olwazi lokuba bathole lemsebenzi.
Umsakazo kazulu uxhumana lomunye wabafundi uTsepile Ncube osuka eKafusi etshengisa ukuthokoza ngendlela impilo yakhe esitshintsha ngayo.
“Ngatshelwa ngaloluhlelo ngumngane wami yena owasengu noganda ngoku gcweleyo edolobheni laseGwanda. Ngasukumela phezulu ngoba ngibona kubalulekile njalo kufundelwa khonapha eduze. Okuhle yikuthi nxa uvela endaweni ekhatshana siyaphiwa indawo zokuhla eGungwe hall . lmpilo yami isiqala ukutshintsha ngoba mina bengingumuntu owokutshona ezitolo, kodwa selokhu ngaqala ukuqeqetsha laa angiselaso isikhathi sokutshona ezitolo,” kutsho uNcube
Umnumzana Makwati onguye oqeqetshisa onogada utshayela ihlombe ubukhokheli ngokuncedisa kulolu hlelo.
“Ngithanda ukubonga ithuba esiliphiwe ngu Ncube ngokuvuma ukuthi uhlelo lolu luyenzelwe ku ward 12. Bekumele luqhutshwe eGwanda kodwa ngemva kokubonisana uhlelo seluse khaya.
“Sesaqeqetshisa amaqembu amabili kuthi esilayo kathesi liqula lesithathu. Inengi labasebaqedayo sebaqhatshwa ngabantu nje abasesemsebenzini. Thina esikwenzayo siyakuqeqetsha sikunike isithupha siqede lapho sikudingele lomsebenzi. Sikhuthaza abasakhulayo ukuthi amathuba anje abuya kanye empilweni so abasukumele phezulu betshintshe impilo zabo kanye lamakhaya akibo,” kutsho uMakwati.
Umkhokheli wenhlanganiso uNcube uthi wasebenza kakhulu ukuba ngu nogada njalo ubona kungcono ukuba ancedise abasakhulayo.
“Ngaqala ukuba ngu nogada 1991 ngazocina ngo 2023 sengivula ikhampani yokuqheqetsha onogada ngoba ngikhula kwakuliphupho lami lokunceda abasakhulayo. lkhampani sayetha ibizo sathi yi Mabaleka Security Company njalo iyaziwa lasemthethweni,”
“Sithanda ukubonga izakhamizi , osobhuku, Induna uMathe , ukhansila umnu Brian Nyathi kanye lo uMP uDr Marupi ngendlela abasamukela ngayo endaweni yabo . Ngithanda ukubonga abazali abasukumela phezulu babisa abantwana babo abasakhulayo ukuthi bezoqeqetshiswa,” kusitsho uNcube.
Labo abavela khatshana izakhamizi lo khansila basinikeza indawo yokuthi befihle amakhanda okwamaviki besaqheqetsha , njalo akukhethelekile lokuthi uvela kuyiphi i ward siyakwamukela. Sibaqeqetsha ngentengo ephansi njalo sibaqhuba amaviki amabili,” kusitsho uNcube.
Ukhansila u Brian Nyathi uthi ukuqheqetshwa kwabantwana sokulethe ukuguquka okukhulu esigabeni ngoba inengi labo sebesebenza.
Elinye iqembu liyagqiba izifundo kusasa kungakho omele iGwanda South Constituency edale lephalamende ukhangelelwe ukuthi abone lelo qembu ligqiba lezozifundo eGungwe.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 Group on WhatsApp:https://chat.whatsapp.com/HFyfcPqvX0qF25GpLdDtsN
Come Advertise With Us.
