20 Nhlangula 2025
Ngu LIBERTY MUTAMBA
UKelvin Sebata (39) odabuka eNkalange, Selonga kwele Gwanda South usezaphila iminyaka eyisitshiyagalolunye (9yrs) entolongweni ngemva kokutshontsha inkomo eyodwa, aqede ayihlinze.
USebata utshontshe inkomo le, elo Darling Sebata labanye ababili abasadingwa ngamapholisa. Kubikwa ukuba mhlaka 14 Mabasa lonyaka, amadoda la atshontshela uJohn Moyo (73) inkomo yakhe eCleverland, eCollenBawn andubane beyihlinze ebusuku.
Umtshutshisi uRejoice Mlilo utshele inkantolo ukuba uSebata watshontsha inkomo kakhulu uMoyo bayihlinza.
“Amapholisa athola udletshane ngesiga lesi, agijima athola amadoda amane ehlinza inkomo. Amadoda acela ezinyaweni, kodwa amapholisa enelisa ukubona uKelvin Sebata, Darlington Sebata, lo William Nyathi, ngalobo busuku amadoda la, aphunyuka emlonyeni wesilwane. Amapholisa athola inyama yenkomo isele ithe daca, lesikhumba sayo ebesilomtshiso D4E2K2 bayihambisa enkambeni yeCollen Bawn.
Ngemva kokubaleka inyanga yonke uSebata lamtshonela emini mhlaka 7 Nkwenkwezi. Zamkhalela ese Spitzkop North edolobheni le Gwanda. Inkomo le ibilesilinganiso seUSD$800,” kubika uMlilo.
USebata ubemiswe phambili kukamantshi uProgress Murandu omnike isigwebo seminyaka eyisitshiyagalolunye(9 yrs).
“Sebata ngikunika isigwebo seminyaka eyisitshiyagalolunye ngemva kokwephula umthetho owe Stocktheft as defined in Section 114(2)(a)(i) and (ii) of the Criminal Law codification and reform act chapter 09:23. Umthetho lo, ukhuluma ngokutshontshwa kwenkomo,” kubika uMurandu.
Usowabo uSiziba laye usatshitsha enkantolo ukhangelane lecala leli. Abantu abanengi eZansi yemaNdebeleni baphila ngokufuya lokulima.
Follow the Ntepe-Manama Community Radio 97.0 channel on WhatsApp:
https://whatsapp.com/channel/0029Vab45XdKGGGD1NN4iL3S
𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
