07 July 2025
Ngu Mpokiseng Sibanda lo Artwell Sihwa
Selonga-Umdlalo oqhutshwe ngabafundi abakuzinga laphansi lemfundo yeSelonga primary school lapho obekunanzwa imisebenzi yabantwana abafisa ukuyenza sebekhulile, ubone abafundi bevukela ingqondo bethola ulwazi ngemisebenzi yabo yakusasa.
“Batshengise injabulo bonke abantwana ngemva kokuzwa kanye lokufundiswa ngemisebenzi abayifisayo sebekhulile obekuyinkuthazo kuye wonke umntwana ngaphansi kwesihloko esithi,” Our children and our Heritage kutsho umama uBimbanaishe Moyo.
Ukugqoka kwabantwana izembatho zemisebenzi abayifisayo kuyabakhulula lasekuthini lapho efunda abelenjongo yokuthi kuyini akudingayo empilweni kutsho umama ongumsekeli kamphathi umaMoyo.
Uqhubeka esithi “Lokhu kunika umntwana lomntwana ukuthi abe yilokho komsebenzi egoqela omongikazi, amapholisa, amasotsha, abalimisi , abahlabeleli, omongameli, abatshayeli bendizamtshina labanye nje abehlukeneyo.
Obemele ugatsha lwezempilakahle ubaba Jonathan Maphosa uthi, “Ngiyalikhuthaza bantwana ukuthi lilalele ababalisi kanye labazali ukuze lenelise ukufeza amaphupho ezifiso zenu njalo lehlukane lezidakamizwa ngesizatho sokuthi imisebenzi yokonga abagulayo lakwezimpilakahle ezibhedlela azidingi zidakamizwa phakathi.”
Obemele ugatsha lwezemfundo umama uZanele Sibindi ukhuthaze bonke abantwana ukuthi baqinisele ngemfundo ukuze benelise ukubala bekuzinga laphansi ukuze kuthi sebefike kuzinga laphezulu lemfundo ye secondary kube lula ukubaphatha lokubondla esikolo.
Obemele ugatsha lwezokulima umama u Lorraine Gwatinyanya ukhuthaze abasakhulayo ngokuthi bafunde beqinile ukuze benelise ukunanzelela ngezokulima kusihloko esithi food security everywhere and everyday.
Umama uTrude Ndlovu ukhuthaze abantwana ngokuthi baqinisele kakhulu emfundweni ukuze benelise ukupasa izifundo ezigoqela accounts,science, commerce, maths, le English ukuze babethole amathuba okuthola amaScholarship.
Obemele isikolo umama Abigail Nduna School Development Commitee(sdc) ubonge abazali kanye lokuphatheka kwabantwana lokukhuthaza abantwana ukuthi bangawathatheli phansi amathuba abawafisayo empilweni njalo bafunde beqinile ukuze baphumelele ku lokhu abafisa ukuba yikho empilweni.
