03 Mabasa 2026
Ngu Liberty Mutamba
Ukudubuka kwedamu uDondondoriyo kubeyingozi yemva-nje engawela iloba ngubani. KuManisipala we Gwanda amanzi akhukhule imitshina epompa amanzi kwathi ibholoho le Mtshabezi ladilila. Lokhu kutshiye abahlali be Gwanda bengela manzi okwamalanga njalo kungasela ndlela ehlanganisa abantu abaphetsheya komfula uMtshabezi labasedolobheni.
Amanzi lawo abuya ngomfutho okwahitsha impompi abahlali basala bengela ndawo yokuthi bathole amanzi. Lokho akuzange kuphathe kuhle abahlali be Gwanda.
“IManisipala wethu wehluleka ukulungisisa impopmi lezi angubane kubelengozi. Lokhu sekuzasidalelela imikhuhlane ngoba kuzathatha isiskhathi ukuze kulunge. Kubika uSiphosenkosi Ndlovu owe Spitzkop.
Amanzi akuphileki engekho njalo kuba nzima ukuthi sibe siqonda egangeni ngoba izambuzi zethu azisangeneki. Lokju sikwenza ngoba asila sisombuluko njalo kungasibhahisela umkhuhlane we sihudo,” kubika uThembilhle Moyo owe Geneva.
Abahlali be Vumbachikwe, Blanket bona bahlala amalanga ambalwa bengenelisi ukungena edolobheni ngoba ibholoho uMtshabezi loMtengatenga bebengachapheki.
“Lokhe kwadubuka idamu edolobheni akusangeneki ngoba akusela ndaba yebholoho. Indaba ye bholoholo lika Mtshabezi besihlala sikhuluma ngayo ukuthi kayilungisiwe kodwa singaboni inyathelo. Namhla asisabenzi ngoba ibholoho lethu alingeneki. Beslingasoke layekela ngoba ibholoho leli selileminyaka eminengi. Idolobho lamaJahunda liyakhula kodwa lona alivuselelwa kodwa yilo eliletha inzuzo,” kubika uThelma Banda.
Kuthe isigameko leso senzakele intengo yikusuka Blanket ihle yakhuphuka.
“Umango ebesiwuhamba ngeamadollar amabili ngemva kokuba umhluzi ukhwele okwakhathesi sesiwuhamba ngama dollar amathatthu. Nanko phela izimota zisitshiya ngangale kwebholoho kuthi ezinye ziyasilindaa sichaphe sibhadale njalo. Ukwehluleka ukulungisa izinto ngesikhathi sekuthwalisa thina abahlali nzima,” Kutsho uSiphiwe Dube.
IMasipala isithembisile ukwenza imizamo yokuba kulungisiswe imizamo ezenza abantu bethole ukuncediseka nangu uThulani Moyo usodolobho.
“Sisayenza imizamo yokuba uzulu athole amanzi ngokuphazima. Idolobho lethu likhula malanga wonke lokhu kwenza ezinye izakhiwi zehluleke ukusiphathisa njengabahlali beGwanda. Sesikhulume labahlali beGwanda ukuthi senelise ukulungisa ibholoho lethu ngokuphangisa. Sikhulume lohulumnde lengatsha zonke eziphatheka kudabs lwethu ukuba since sincediseke. Okwamanje sesvula umgwaqo we JNM Poly ozabusekela iGarikai uqonda kubo Ultra labo Doelfotein ukuze kungabi lesixhoxhobe sezimota edolobheni lethu, kubika USodolobho uMoyo.
