BY KWAKHIWE DUBE/MPOKISENG SIBANDA
COMMUNITY REPORTERS
ABAFUNDI baseSengezane Primary School leDombo Primary School emavikini adlulileyo bayehluleke ukwenza izifundo zabo lapho bebiselwa emuva ngodaba lokungenelisi ukubhadala ngesikhathi imali zesikolo (ifees) .
Ekhuluma omunye wabafundi ngalolu daba uthe abavunyelwa lokungena egedini lesikolo ngakho bahlaliswa phandle.
Lokhu sokuhlukumeze abazali abanengi ngoba bethi imali ayibonwa ngalezinsuku ngenxa yesimo esikuso eseCOVID-19.
“Nga basinike iskhathi sokudinga imali abantwana befunda ngoba ukungabhadalwa kwemali akusiwo mlandu womntwana.
“Okusikhathazayo yikuba sisuka esimeni esinzima njengathi esingasebenziyo esiphila ngokubambabamba abantu esibambabamba kubo labo abalamali ukuthi basiqhatshe yikho lapha esiba lobunzima khona” kutsho uMnumzana Gift Ncube omunye wabazali.
Egcizelela omunye wabazali uthe yena abakhe uzabekela bazihlalele ekhaya ngoba into zingamanga ngendlela lapho imali ingatholakali.Uthe njalo abantwana bakhe banengi lemali efunakalayo inengi ingaphezu kwamandla akhe.
EDombo Primary School, abazali abanengi badonsela emuva ukubhadala imali yeschool fees ngemva kokuba abantwana bebexotshiwe ngumphathisikolo wesikolo.
Lokhu umphathisikolo uthe kungenxa lemali kumele iphathise ekuthengeni imithi ekhangelane leCOVID-19 lokuhambela imihlangano yenhlelo zesikolo.
Omunye wabazali exoxa labanye emfuleni besikha amanzi uthi ubona kungcono babhadale khaphu khaphu ngoba lemali zakhona kabasazazi okumeli zibhadalwe njengoba abantwana bayafunda bayekele iterm lingaphelanga ngokunjalo kabasakuzwisisi ukubhadalwa kwezimali ngoba zibizwa zibe zinengi.
