BY KWAKHIWE DUBE
COMMUNITY REPORTER
ABALIMI bePhaphamani Garden bathokozela isinqumo esafakwa nguHulumende emavikini aphelileyo esokwehlisa izinga lelockdown kusuka kuLevel 4 kusiya kuLevel 2.
Exoxa lentatheli yoMsakazo KaZulu omunye wabalimi uSimangaliso Moyo uthe sokuyasebenzeka kahle khathesi njengoba izilimo zabo seziyathengiseka endaweni ezikhatshana ngoba sokuvunyelwa ukuthi umuntu ahambe lapha afuna ukuyakhona ngesikhathi esifakwe nguhulumende.
“Sibonga uhulumende ngokwehlisa izinga lelockdown ngoba bekusilimaza kakhulu ekuthengiseni izilimo zethu okunye besesicina sikunika abantu mahala okunye kuwonakala okunjengamatamatisi ngoba kungela mkambo esingawasa khona kubangelwa yilockdown.
“Isilimazile indaba yecoronavirus kakhulu thina abalimi kusiwisile kubhizimusi kakhulu,” kutsho uMoyo.
“Yiskhathi esihle kakhulu lesi esokutshisa kubalimi ngoba izilimo azisatshazwa kungakho abalimi bephaphamani garden bathe bazinikele ukusebenza nzima ukuze bazame ukuvala iskhala esivuleke ngeskhathi selockdown,” kugcizelela uMoyo.
