Community Reporter Mpokiseng Sibanda
ABALIMI baka Ward 15 eGwanda South sebelungiselela ukulima ngaphansi kohlelo lukahulumende olwe lntwasa ngemuva kokuba besebenze ndawonye bengamaqembu atshiyeneyo, ukutshaya ugatshompo.
Abalimi beSelonga, koMbuzimbili, Mapula lezinye indawo zika Ward 15 bayenza amaqembu bencedisana ukugeba amagodi kagatshompo ensimini zabo ezitshiyeneyo.
USibongile Ncube uthi ukuqeda lawo magodi kube ngumthwalo olula ngoba besebenzisana
“Kube ngumsebenzi olula ukugebha sixhasene ngoba kwenze umsebenzi wethu wabalula. Ikanti labafundayo bafundiseka lula besebenza labanye,” kutsho uNcube.
Kukanti omunye wabalimi oziveze ngokuthi MaNyathi oseqenjini labagebha amagodi, ubabaza ngokuthi ukusebenza ndawonye kuya ngcedisa.
“Ngemva kokugejwa kwamagodi kuba kuhle okumangalisayo okokuthi iloba ungela okokulimisa njengenkomo loba ababhemi uyabe uqhubekela phambili ngezindima ngoba lokhu kukwenza ubulokhu ulungiselela ukuze izulu lapho selisina uyabe suhlanyela kuphela,” kutsho umama umaNyathi.
Abakhangela ngokuqhutshwa ngezokulima abalimisi bakhuthaza uzulu ezigabeni ukuba bonke bagebhe amagodi awe intwasa ukuze bathole inhlanyelo bonke ngokufananayo.
Abanye abalimi asebegebhile amagodi bakhala ngokuthi inhlanyelo isiphuzile ukubuya okungenza amagodi aze acine esegqitshelwe lizulu nxa lingana emalangeni aseduze njengokutsho kwabakhangela ngezomumo womkhathi kuyabe sokubabisele emuva ukuyaqala kutsha ukuvuselela amagodi.
