29 Mpandula 2024
Ngu Mpokiseng Sibanda
GWANDA SOUTH- Inhlanganiso ye Ecumenical Church Leaders Forum(ECLF) ihlanganele lobukhokheli bukaward 15 endaweni yaseDombo ikhokhelwa ngumfundisi uSipho Mhizha ohola ibandla le Bretheren In Christ Church ukuthi bahlomise abakhokheli ngolwazi lokuthi balondoloze ukuthula lokuhlalisana kuhle ezigabeni zabo.
Inhlanganiso leyi ibona ngokulondolozwa kokuthula ezabelweni kanye lokuhlalisana kuhle kwabantu. Uhlelo lolu lwaqaliswa ngomnyaka ka2008 lubunjelwe ukuthi luncedise ekulondolozeni ukuthula elizweni lonke leZimbabwe.
UNigel Zhou ongumsekeli kuleyo nhlanganiso uthe inhlanganiso yabo ijonge ukuthi ihlomise abantu mayelana lokuthula ngoba kuqakathekile.
“Injongo yethu yikufundisa ngokuthula ezabelweni zonke jikelele lapho abakhokheleli bamabandla enkonzo atshiyeneyo ahlala phansi aphuma lenjongo yinye kwasekucelakala imvumo kowayengumongameli uRobert Gabriel Mugabe ukutshumayela loluhlelo lokuthula kuqala emabandleni esikhonza kuwo ukuze siphume phandle sibhode sihlomise uzulu ngokuthula,sanxuswa endaweni yaseGweru sayahlomisa ukuthula pgezulu kwabalweli benkululelo(warvets),CIO,Prison officers sikhangelele iZimbabwe yonke jikelele kodwa kodwa kuliviki silapha kuliward ekhokhelwa ngubaba uEmmanuel Makhabane Ndlovu,” kusitsho umnunzana Zhou.
UAlexander Mahla obemele osobhuku uthe bazayithatha imfundiso beyeyilandela ezigabeni zabo abahlala kuzo.
“Asisebenziseni ulwazi lolu sibe yisigaba esilontshintsho,” kusitsho umnunzana Mahla.
UEmmanuel Makhabane Ndlovu ongukhansila uthe uzwa elokuthokoza okukhulu ngemfundiso abayitholileyo.
“Ngilokuthokoza okukhulu ngemfundiso ethe yalethwa esigabeni ukuthi abadala bamanyane ndawonye langemva kokuthi sebefundile kuphidwe kukhethwe iLocal Peace Committee ezabe ifundisa ukuxazulula izingxabano kusiba lokuphumelela esigabeni ukuthi abantu bathole ukuphola ezinhlizweni zabo,” kusitsho ucllr Ndlovu.—𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Click the link below to join our WhatsApp Groups.
Come Advertise With Us.
