1 Ncwabakazi 2023
Ngu Jonah B Moyo
Izakhamizi zeManama eGwanda sezikhathazekile ngokugejwa kwegolide kumfula uTuli lapho osekugcwele khona abantu abavela endaweni ezitshiyeneyo.
Abemba igolide laba bathi bakwenza lokhu ukuze baziphilise lemuli zabo.
Unkosazana Sithabile Moyo(42) oyisakhamuzi seSengezane ngomunye walabo abemba igolide kulumfula.
“Sengilamaviki amabili ngiqale ukwemba igolide kodwa sisebenza gadalala ukuze silithole, ngifulathela umuzi wami labanye ngoba imali etholwa ngumkami ayeneli ukuthi sibhadalele abantwabethu indleko zesikolo lokubathengela ukudla,” kutsho umaMoyo.
Omunye wabemba igolide, uSukoluhle Moyo(53), olabantwana abayisikhombisa laye uthi ufuqwe yibunzima obusekhaya ukuze azogebha igolide.
“Ngilenyanga enzintathu ngigebha igolide lapha eTuli, ukuze ngithole ama point amabili kuthatha izinsuku ezimbili.Lumsebenzi awukho lula ngakuyavuma ngasengatshiya kodwa ngenxa yesimo engibhekane laso emzini wami akuvumi ukuthi ngiyekele”.
Umnumzana uBhekisipho Moyo(43) utshele umsakazo we Ntepe-Manama Community Radio ukuthi seleminyaka esemba igolide kuTuli ngenxa yokuvaleka kwamathuba emsebenzi.
Inengi labantu kulesisabelo ikakhulu ontanga baphila ngokwemba igolide ukuze liziphilisi, abogatsha lwezemfundo bakhathazekile ngenani abafundi abatshiya isikolo besiyagebha igolide.
Abathenga leli igolide kubikwa bethenga i point ngeR100 ukuthi igramme elilodwa libiza R1000.~Ntepe-Manama FM 97.0
Labo abafuna uku Advertiser amabhizimusi abo lingasithinta kulezi nombolo,
calls: 0772462909. WhatsApp: 0779308003. email: ntepemana@gmail.com
Hlaba i link elandelayo ukuze ungene ku WhatsApp Group yethu
https://chat.whatsapp.com/GrQZfCcwCXeDkaUPJhGyNB
