29 Ntulikazi 2023
Bakhankasela ukuthula elizweni ngesikhathi sokuqhutshwa kokhetho
Ngu Liberty Mutamba
Kubethe umoya wokuthula edolobheni lase Gwanda lapho abezo mbangazwe bebone ngelihlo linye, bamanyana ku Peace-Match bejonge ukuthula umbiko wokubambana lokuthula, nanko ke ukhetho luka 23 Ngcwabakazi selufinyelela.
Abe Zimbabwe Christian Alliance bexhasane le Gwanda Local Peace Committee bakubone kumqoka ukuba bahlanganise amabandla atshiyeneyo kumkhosi we Peace-Match, bekhuluma lizwi linye, elokuthula.
Uhambo olotshengise ukubambana lokuthula, lwenze amabandla atshiyeneyo bafola emigwaqweni yase Gwanda izolo, bekhankasela ukuthula, ngesi sikhathi somkhankaso langelanga lokhetho, langemuva kokhetho.
UThulani Moyo olilunga kubandla le Zanu PF uthi kubalulekile ukuba uzulu avote ekhululelike, kungela ngxabano.
“Asivoteni ngokuthula singavoti ngengqindi asisebenziseni ipensili, hatshi izikhali ekuvoteni. Umncintiswano lo ngowo kuvotela abantu abafuna ingqubekela phambili. Ubuntu bethu kumele buhlale bunjalo singaxatshaniswa lilanga eilodwa,” kutsho uMoyo.
UNobhala wezo khetho kwele Zansi yemaNdebeleni ku Mthwakazi Republic Party (MRP) uEdmon Ntombinde Xakaxwayo uthi ukubona ngeso linye kunika umphakathi ugunya ukuba baphatheke kwezo mbangazwe.
“Omama lentsha bavame ukuhlehlela umuva ngesikhathi sokhetho besesaba , udlame, ukuthukwa lokutshaywa okwenzakala ngesikhathi sokhetho. Nxa abezenkolo besenza umkhankaso loo banika igunya wonke umuntu ukuba aphathenge kukhetho ngoba luyabe lulokothula, kutsho u Xakaxwayo.
USiduduzile Masilela okhangele ngezo khetho kubandla le CCC kwele Zansi yemaNdebeleni uthi kuqakathekeli ukuba abezo mbangazwe bagqugquzele ukuthula.
“Kuletha inkuthazo enkulu kakhulu kubahlali be Jahunda, abahli be Mat-South lelizwe lonke jikelele ukuba ingxabano ayilakhi ilizwe, ayisiyo engakhetha umeli wabantu. Kumele silwe ngepensili ku Ballot Box hayi ngezandla lango mlomo,” kutsho uMasilela.
UObert Moyo uolilunga kubandla le Zapu ugcizelele ngokuthi inyathelo lokuhlanganisa amabandla ezo mbangazwe lihle ikakhulu bekhuluma limi lunye.
“Yisifiso Sami ukuba thina abezo mbangazwe sibone njalo sikhulume ndimi inye eyokuthula sakhe ilizwe ngokuthula, singa xabani. Lezakhamizi singaze thuseli lapho kucelwa amavoti,” kutsho u Moyo.
UNickson Gama obemele ibandla le MDC-T uthi ukhetho oluzayo aso mgcintiswano wokulwa.
“Ukuthula kumele bakubonele eZimbabwe, ikakhulu lapho eGwanda. Ukuba kwezo mbangazwe kuya ngemibono yethu etshiyeneyo kodwa akutshintshi uluntu lwethu,” kutsho u uGama.
Umfundisi webandla Evangelical Lutheran Church of Zimbabwe umnumzana Nkosikhona Dube uthi akuso cala ukubona njalo ukukhetha ibandla elitsheyeneyo.
“Ukuthi umakhelwane uthanda ibandla wena ongalizwisisiyo akumelanga umbone njengesitha, mbone engumfowenu. Asikhankaseni sivote ngokuthula ngoba singabantu banye,” kuchaza umfundisi.
Umkhokheli we Zimbabwe Christian Alliance esiqintini seGwanda njalo engu msekeli ku gatsha lwe National Peace and Reconciliation Commission (NPRC) ezansi yema Ndebeleni uNkosikazi Phathisiwe Dube uthi kumgqoka ukwethula ilizwi lokuthula kumabandla ezombusazwe, ikakhulu ngesikhathi sokhetho.
“Njengamabandla okholo sikubone kuqakathekeli ukuba sihlanganise amabandla ezombangazwe atshiyeneyo sethule ilizwi lokuthula. Nxa sekuloku limala ukuxabana ingqubekela phambili ekhankaselwayo ayisekho. Isikhathi ezinengi kubhubha abazali abantwana besale besegcekeni. Sile themba ukuba ukhetho oluzayo luzaba lokuthula,” kuphetha umfundisi u Dube.
Ukhetho luzaqutshwa mhlaka 23 Ngcwabakazi lapho okuyabe kuthethwa UMongameli, ozamela uzulu ephalamende labo Khansila bezigaba. Abantu abali tshumi lanye bafisa ukuba ngo Mongameli.
Labo abafuna uku Advertiser amabhizimusi abo lingasithinta kulezi nombolo,
calls: 0772462909. WhatsApp: 0779308003. email: ntepemana@gmail.com
Hlaba i link elandelayo ukuze ungene ku WhatsApp Group yethu
https://chat.whatsapp.com/GrQZfCcwCXeDkaUPJhGyNB
