BY Mpokiseng Sibanda
Community Reporter
SELONGA-Omama abalindeleyo eSelonga clinic sebehlalela evalweni ngemva kokuba indawo lapho abahlala kizo belindele ukubeletha zingela amakhiye ezivalo.
Ukuhlala besevalweni kubuya ngemva kwezinyanga ezedluleyo lapho omunye wesifazane owayelindele esibhedlela seManama Hospital esuke wabanjwa yisigangi ngenxa yokuswelakala kwendawo ezivikelekileyo.
Ekhuluma lomsakazo kazulu iNMCR, omunye wabalindeleyo eSelonga clinic uPriscillar Siziba uthe:
“Sisevalweni kakhulu ngendawo esikiyo ngoba akula makhiye eminyango yethu nxa siyivala siyafuqa kuphela.
“Isibindi sibakhona ngoba sisesebanengi kodwa njengoba sikhululeka ngokutshiyeneyo kubalusizi kulo ozasala seyedwa ngemva kokuzwa isehlakalo esenzakalayo esibhedlela esikhulu seManama ngenyanga ezidluleyo,” kutsho uSiziba.
Omunye wabalindeleyo uSiphathisiwe Ndlovu ugcizelela ngokuthi:
“Njengomama abakhulelweyo asingeke senelise ukuzilwela nxa singangenelwa yisigebenga njalo izindlu zethu zilomangwana othile lezabomongikazi okwenza ukuba ma singahlaselwa ngeke sizwakale njalo lekuphumeni kwethu.
“Kungaba yinjabulo ma kungatholakala uncedo lwamakhiye ukuze labazabuya ngemuva bathole ukuvilekeka,” kutsho uNdlovu.
Omunye wabaphathekileyo umama uGrace Nare ubonge kakhulu ukusebenza kwabomongikazi beSelonga clinic ngokusebenza kwabo eqathanisa lezinye izibhedlela aseke wadlula kizo ephathekile ngesikhathi esidluleyo esithi kabaqhube besebenza ngokunjalo bebambene.
