BY Kwakhiwe Dube
Community Reporter
SENGEZANE- Ukutshisa lokungani kwezulu esabelweni saseMatebeleland sokufake uvalo kubafuyi kulandela ukoma kweziziba zamanzi okungabangela ukuthi izifuyo zibe sengozini yokucuba.
Abakhangele ngezomkhathi iMeterelogical Services Department babike emalangeni ukuba izulu selisendleleni kodwa loba sokuqale ukuthonta abafuyi bahleli evalweni ngoba isimo sesisiba nzima ezifuyweni.
Lokhu kungenxa yokuba amadamu leziziba asephele amanzi.
Ekhuluma lentatheli zindaba ye Ntepe Manama Community Radio omunye wabafuyi uLameck Moyo uthe:
“Akusathembisi lokhu okomkhathi ngoba izifuyo zesithwele nzima ngamanzi sezingawa njeee kungasikudala lingekela ukuna leyi inyanga esikiyo ngoba sezinatha nzima ikakhulu inkomo” kutsho ubaba uLameck Moyo osuka esigabeni seSengezane.
Egcizelela omunye wabafuyi umnumzana Ivene Ncube uthe:
“Aluba inhlanganiso yeDabane Trust iyangenela ibuyise izimpompi zamanzi eyayizifaka ekhunjini likaTuli ezazinceda kakhulu ekunathiseni izifuyo ngoba izikotsho esilazo ezinye zinzima ngeke unathise izifuyo ezifana lenkomo ngoba zifuna amanzi amanengi,” uMnu Ncube.
Izakhamizi zikhale langokuthi nga amadamu akhukhulwa lizulu ayavuselwa ngoba abegcina amanzi isikhathi eside izulu lize liyekuna.
