Ngu Milton Mashasha
MANAMA– I-Zimbabwe Prisons and Correctional Service (ZPCS) esabelweni se Matebeleland South Province izabhungaza usuku lwezibotshwa eSelonga, phambilini usuku lolu beluvame ukuthakazelelwa edolobheni le Gwanda.
Lo mcimbi oyingqophamlando uzabe usenzelwa eSelonga High eGwanda South mhlaka 31 Mfumfu 2026. Lolu suku luthakazelelwa kuzwekazi le-Africa mhlaka 26 Mpandula njengoSuku lweZiboshwa Lwase-Afrika.
Ekhuluma emsakazweni weNtepe-Manama Community FM uSupt Runyararo Hungwe oyibamba leStaff Officer eqondene leHuman Capital Management yeZPCS eMatabeleland South, uthe lokhu kuyingxenye yohlelo olutsha lokunika zonke indawo ithuba lokhuphatheka kunhlelo ezitshiyeneyo.
“Lolu suku lubalulekile kakhulu kubahlali base sigabeni seMatabeleland South. Lokhu ngokokuqala njengeZPCS ukuthakazelela lumcimbi phandle kwedolobho leGwanda. Lonyaka sizabe siseSelonga High School mhlaka 31 Mfumfu 2026. Sizimisele ngokuzayo ukuthakazelela umcimbi lo endaweni ezifana labo Manama, Kafusi, Halisupi, Ntepe, Sitezi, lakwezinye indawo eMatabeleland South,” kutsho uSupt Hungwe.
“Lolu suku lunanzwa izwekazi lonke ye Africa. Sihlele inhlelo ezinengi ezihlanganisa ukuxhumana lomphakathi, osimabhizimusi, inhlanganiso ezitshiyeneyo kanye labalingani bethu njengoba sigxile ekuvuselelweni kanye lokubuyiselwa kweziboshwa emphakathini, okungomunye wemisebenzi yethu emqoka njengeZPCS,” kubika uSupt Hungwe.
“Sihlele imisebenzi eminingi yalolu suku eSelonga High School njengoba sibungaza lolu suku olubalulekileyo. Kuzabe kukhona umdanso wesintu wamapholisa ejele kanye lamaqembu, ibhendi yejele, inkondlo, uLerato ‘Nqindi’ Ndlovu ozabe ekhona eSelonga kanye labanye abezomgido wakithi,” wengeze njalo uSupt Hungwe.
Uthe izikhulu eziningi zilulindelels ukuthi zizohlonipha lu mcimbi.
“Njengoba ngitshilo, lolu suku lubalulekile. Siphethe izikhulu eziningi ezivela kuHulumende, inhlangano kanye labanye abalingani abasebenzisana lathi. Izivakatshi ezihloniphekileyo zizabe silelunga lePhalamende kanye laboNgqongqotshe abahloniphekayo,” kubika uSupt Hungwe.
“Ngakho-ke siyamema wonke umuntu ukuthi baze bezothakazelela lumsebenzi. Akusiyo yethu kuphela thina njenge ZPCS silungisa umuntu, njalo simqondise aphinde abuyele emphakathini esengumuntu olungele ukuhlala lozulu. Sonke silomlandu okuthi sisebenze sakhe ilizwe lethu singatshiyi muntu kanye lendawo emuva. Siyalimema eSelonga ukuthi sizothokoza sonke,” kuphetha uSupt Hungwe.
