Ngu Liberty Mutamba
COMMUNITY REPORTER
UMNGCWABO wenduna uZephania Sigola owe UMzingwane uzakuncediswa nguHulumende, lokhu kusekela uhlelo luka Hulumende lokunakelelwa kwezinduna.
Induna uSigola ikhothame ngoMvulo. Ubeleminyaka engamatshumi ayisitshiyagalolunye lesithupha (96).
Induna uSigola waqala ukubusa ngomnyaka ka2003.
Induna ibilabantwana abayisikhombisa (7), amankazana amahlanu, lamajaha amabili. Sekusele inkazana eyodwa abanye sebatshona kanye lomkakhe.
UMnumzana uPeter Mahlathini ongu District Development Co-Ordinator we UMzingwane ubike ukuba induna izangcwatshwa nguHulumende.
“UHulumende uzabeka induna yethu ekhangela indleko zonke zomonakalo lebhokisi. Imuli yonke isepulazini Esiphezini lapho abazasazisa ilanga lomgcwabo,”kutsho umnumzana
uMahlathini.
Induna uSigola ibiyindoda enakelela ezemvela, lamasiko njalo udlale indima enkulu ekuthuthukiseni indawo yase Umzingwane.
