Ngu Liberty Mutamba
COMMUNITY REPORTER
INDUNA yaseUMzingwane u Zephania Sigola isikhotheme. Ubeleminyaka engamatshumi ayisitshiyagalolunye lesithupha (96).
Umsekeli kamongameli we Zimbabwe Chiefs Council induna uMtshane Khumalo ubike lumonakalo.
“Sithole umbiko ovela kuMongameli wezinduna uFortune Charumbira ebika ukukhothama kwenduna uSigola. Ubeyindoda elondoloza amasiko, ezemvelo, utshiye isikhenxe esikhulu kakhulu,” kubika induna uKhumalo.
Induna uSigola ikhothamele eUnited Bulawayo Hospital (UBH) ngemva kokuphatheka isikhathi eside.
UPeter Mahlathini ongu District Development Co-Ordinator kwele UMzingwane uthe balahlekelwe ngu mbalisi njalo ubaba obelolwazi olukhulu.
“UBaba uSigola ubesincedisa ukulondoloza amasiko, silahlekelwe ngubaba obethanda ukuthula, ukuhola abantu ngobunono lange nhlonipho engelabandlululo.
“Sisalinde imuli ukuthi isazise ukuthi amalungiselelo omngcwabo anini,” kutsho uMahlathini.
Ukukhothama kwenduna kuza ngemva kokuba uMongameli welizwe uEmmerson Mngangagwa egcobe induna uDambisamahubo Mafu-Maduna we Insiza lapho abika khona ukuba Izinduna yizo ezidlala indima enkulu kungqubekela phambili ezabelweni.
Ngomnyaka ophelileyo kwakhothama induna ezimbili kulo umhlubulo, induna u Denis Nhlamba (Gwanda South) le nduna uVusumuzi Khumalo-Mabhikwa (Lupane).
Ukuze uthole lezi lezinye indaba
https://chat.whatsapp.com/GrQZfCcwCXeDkaUPJhGyNB
