Ngu Liberty Mutamba.
COMMUNITY REPORTER
INDUNA uZephania Sigola yase Umzingwane ekhotheme ngoMvulo izafihlwa kusasa epulazini layo Esiphezini.
Uhulumende uzaphathisa ekufihlweni kweNduna uSigola obhubhele esibhedlela seUnited Bulawayo Hospitals.
UPeter Mahlathini ongu District Development Co-Ordinator ubike ukuba induna izafihlwa kusasa.
“Imuli yako Sigola isibikele ukuba bazafihla induna kusasa epulazini layo Esiphezini.
Induna ibiyindoda elwela amalungelo kazulu, ehlonipha amasiko lezemvelo silahlekelwe ngubaba esigabeni,” kutsho u Mahlathini.
Kumazwi enduduzo avele kumeli we Umzingwane Constituency kudale lephalamende uBrigadier General (Rtd) Levi Mayihlome uthe induna ibithanda ingqubekela phambili esigabeni sayo, incedisa kakhulu kwezemvelo lamasiko.
Induna ibilabantwana abayisikhombisa (7) amankazana amahlanu, lamajaha amabili, sekusele inkazana eyodwa abanye sebatshona kanye lomkakhe.
