Zibandlela 30, 2024
Ngu Mpokiseng Sibanda Community Reporter.
Picture:Meat Ant.
WARD 15- Abahlali bezansi yemaNdebeleni ngaphansi kwenduna uMarupi bakhala ngobunyonyo osobuhlasele inkukhu, amazinyane endaweni ezehlukeneyo ezibalisa iNkalange, Thibeli, Maphula, Zwabagwamba Selonga kanye leMbuzimbili.
Ubunyonyo lobu buhlasela inkukhu ezichamiselayo, amazinyane asanda kuzalwa, njalo sebuluma abantwana abancane emakhaya.
Umsakazo kazulu uxhumane lo mnumzana Fracson Ndlovu ochaze ukuba lobu bunyonyo sebuba qedele izifuyo.
“Inkukhu kazisachamisi amatsiyane ngalesi sikhathi sezulu ngoba kungekho lapho ezizaqhubela loba ukondla khona amatsiyane azo, ngenxa yobunyonyo,” kutsho uNdlovu
UNdlovu uthi ubunyonyo buphuma ngemva kokuna kwezulu bubaleka isikhudumezi phansi.
“Kungaphela izulukasisafuyi kuhle sihlalela evalweni. Imbuzi ingazalela egangeni ingabonwanga ngumuntu kaliphili izinyane loba yona unina ngoba kuyayilimaza isale ikwesinye isimo esizwisa ubuhlungu,” kutsho uNdlovu.
