Nhlolanja 1, 2024.
Ngu Liberty Mutamba.
Picture: Sebasa Irrigation.
Abalimi beZansi yema Ndebeleni bakhuthazwa ukuba basebenzise indlela zokuthelezela (Irrigation Schemes) ukuze belwise ukutshintsha komkhathi (climate-change) njalo bathole inzuzo, ezagcwalisa iziphala zabo.
Abalimi balumhlubulo bavame ukuthola esivuno esincane, lokhu kubangelwa yikuswelakala kwezulu.
Ekhuluma emkhosini wokunika abalimi izicoco lemvuzo yokulima eSebasa Irrigation Scheme, kwele Gwanda South ngempelaviki, Obemele unobhala we Ministry of Lands, Agriculture, Fisheries, Water and Rural Development uSkhwincamfundo Obert Jiri. Umqondisi walolu gatsha eNkabazwe uMedlyne Magwenzi uthi uzulu kasebenzise ama Irrigation ukuze bathole inzuzo engcono.
“Ukuna kwezulu sekukutshintshile alisafani lase ndulo. Singabuza abadala bekusithi nxa kufika isikhathi lesi sebeqedile ukulima, kodwa ngenxa yokutshintsha komkhathi lokuna kwezulu akusafani. Ukuze sithole inzuzo asisebenziseni ama Irrigation schemes.
“Ilanga liyatshisa kodwa ngeke sahlala phansi sigoqe izandla, asisebenziseni umhlabathi wethu. Uhulumende wasungula uhlelo lwentwasa asilusebenziseni ukuze sithole ukudla eziphaleni, inhloso yikuthi sibe lokudla siphile njalo sisuthe njalo ukulima sekuli bhizimusi elihle,” kutsho uMagwenzi.
Unobhala jikelele kunhlelo zengqubekela phambili lentuthuko kwelezansi yema Ndebele uLatiso Dhlamini-Maseko, obemelwe ngu Ndodana Dhlamini uthi uzulu kumele baphatheke kunhlelo ze Irrigation ukuze balwise indlala.
“Singathembeli emanzini ezulu kuphela, izanuse zomkhathi zisicebisa ukuba sihlaselwe yi El-Nino. Ngokunjalo izulu lilutshwane ukuze silwise lokhu asisebenziseni ama Irrigation ukuze sithole inzuzo,” kutsho uDhlamini.
ISebasa Irrigation ilabalimi abangu 97, Abalimi laba sebelo mumbu osutshakaza njalo babezitshantshu kumcintiswano wama Irrigation Scheme wonke ezansi yemaNdebeleni, bathola imali engange USD$1000 lempahla ezizabancedisa ekulimeni.
IKwalu Irrigation yeBeitbridge ibengeyesibili yathola imali engange USD750, kukanti iZhulube Irrigation ye Insiza ibengeyesithathu kulu mqhudelwano yathola iUSD500.
ISebasa Irrigation yancediswa yinhlanganiso ye Smallholder Irrigation Revitalisation Programme (SIRP) ngo 2017 ukuze ithole isivuno esingcono.
Amalunga kahulumede, abalimi, ubukhokheli bomdabu bebuthe gwaqa kulumkhosi.
————————————————
#𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemana@gmail.com.
Click the link below to join our WhatsApp Groups.
https://chat.whatsapp.com/Hi7whkU94RL2KRxHblUZUM
Come Advertise With Us.
