23 Mpandula 2024
Ngu Liberty Mutamba
Bathabe bamanzi nte, abahlali be Gungwe ngemva kokuvuselelwa kwe damu eselile minyaka phose elitshumi ladilika.
Idamu leGungwe ladilika ngommyaka ka 2016. Ukwakhiwa kwe damu kuza ngesikhathi izabelo ezinengi zingaphansi kwe ndlala enkulu, ebangelwa yiku guquka komkhathi, lesomiso.
Ngokuzwa izikhalazo zabantu be Gungwe uHulumende wanika iCompany ye Jimmy Gorrdard Constructions (JRG) ukuba ivuselele umbundu we damu ukuze abantu bathole amanzi.
IJRG isivulele abantu bakulowo mango amathuba omsebenzi omunye wabo ngu Reason Ndlovu.
“Ngiyathaba ukuba ngisebenzela ekhaya ukuvuselela idamu lakithi. Abantu bakithi besebethwele amagabha avuzayo ngendaba yamanzi. Sibonga nxa sibona intuthuko emangweni wakithi njalo leyo ngqubekela phambili isenzwa yithi abantu be Bolamba,” Kutsho uNdlovu.
USithembile Makwaiba ugcizelele amazwi kaNdlovu esithi ujuvuselelwa kwedamu kuphakamise intsha labantu besintwana.
“Imisebenzi le ibivame ukwenziwa ngabantu besilisa ngiyathaba ukuba yingxenye yokwakhiwa kwe damu lakithi. Sibonga uMP wethu uDr Omphile Marupi, iCompany, uCllr uNyathi ngoku gqugquzela ukuba idamu leli lakhiwe besesithwele nzima thina abesintwana,” kutsho uMakwaiba.
Izakhazimiz lazo zivuya ukuba izifuyo sezithola amanzi eduze. Ubaba uLevson Marupi- Ncube uthi uyajabula ngokuba izikhalazo zabo sezizwakele.
“Silesikhathi eside sikhala nge damu leli. Ingakho nxa sibona imitshina iduma lapha sizwa siloku thokoza okukhulu. Sibonga uMP wethu uDr Marupi, iCompany Kanye loHulumende ozwe ukukhala kwethu. Indlala ikhona siyayibona kodwa amanzi yiwo ebesikhala ngawo. Siyathokoza nxa sibona abantwana bakithi besebenza khonapha ekhaya.
Phambilini uMp we Gwanda South uDr Omphile Marupi wathembisa ukuba uzancedisa indawo yase Gungwe ukuba ithole amanzi.
“Ngizakhuluma lengatsha eziphathalane lokugcinwa kwamanzi ukuze sibone ukuba indawo ye Gungwe ingancediswa njani. Sifuna ukuba izabelo zeZansi yemaNdebeleni zithuthuke. Kungabi lendawo esalela emuva,” kubika uDr Marupi.
IGungwe, iMangweni, iNewline lezinye indawo eziduze zikhangelele ukusebenzisa idamu. IDamu lisaqala ukwakhiwa njalo bakhangelele ukuliqeda umnyaka ungakapheli.āšµšššš-š“ššššššš“
šš¶š±š¬š¼ššš»š¼š it pays to advertise with Ntepe-Manama Community Radio. You can contact us on the following details.
šš®š¹š¹š:0772462909.
šŖšµš®šššš½š½ 0779308003 š²šŗš®š¶š¹:ntepemanama@gmail.com.
Click the link below to join our WhatsApp Groups.
Come Advertise With Us.
