19 Mfumfu 2024
Ngu Artwell Sihwa(Ward 15 FP)
Gwanda South- Abahlali baka ward ku ward 15 eSilonga ngaphansi kuka chief Marupi eZwabagwamba village sebeqalisile ukulwisana lodubo lokuswelakala kwamanzi endaweni yabo ngokuvala imibundu yamadamu ukuze engalahli amanzi andubana izulu liqala ukuthonta.
Uhlelo lolu luqhutshwa ngaphansi kwe development levy lapho isigaba sitholiswe izamende ezingamakhulu amabili lamatshumi amathathu lanhlanu (235). Izakhamizi zikhangelele ukuthi zisizakale edubeni lokuhlutshwa yikuswelakala kwamanzi.
Ukhansila uEmmanuel Ndlovu uthe izamende zizakwabelwana ezigabeni zonke ezingaphansi kwe ward 15 ukuze kulungisiswe amadamu akulezondawo.
“Senze umbuthano ngemva kombhuthano lowu siphume lendawo ezintathu esibone kuyizo indawo ezifuna isamende lesi kakhulu. Lezo ndawo zigoqela iZwabagwamba dam ethole amatshumi ayisikhombisa lanhlanu(75), iPulipeli yahletshunelwa amatshumi ayisificaminwe mbili lanhlanu (85) kuzothi iNkalange Primary School yathola amatshumi ayisikhombisa lanhlanu (75) ukuze kulungiswe izindlu zokufundela ebesezidilika,”kusitsho ukhansila Ndlovu.
UCrispen Ncube ongutshalimani uthe imizamo leyi eyenziwa ewadini izaletha intuthuko.
“Sithe ukuthola isamende sabona kungcono sizame ukuvala ngemva imiduli yadamu njengoba elinye lamadamu ethu labhidlika imiduli yalo ngezulu elinengi elabuya ngo 2002 kuze kube namuhla besingenelisi ukulilungisa imfuyo yethu ithwele nzima ngamanzi. Kungasisiza ukuthi lesibholane sethu esiseduze sengezelele amanzi,” kusitsho umnunzana Ncube.
Isakhamuzi aakulowo mango uMaclean Ndlovu uthe umbono wezakhamizi uzasindisa isigaba edutshweni lwamanzi.
“Umbono wokuvala imibundu yamadamu ngiwubona umuhle ngoba kulamagodi angasigcinela amanzi okwesikhatshana ukwenzela imfuyo yethu,” kutsho umnu Ndlovu.
UBalibeng Nare ongomunye wezakhamizi zeZwabagwamba ubonge umzamo ka councilor wokulwisa ukuthi isigaba sithuthuke.
“Thina nje ngabahlali baka ward 15 sibonga ubaba ucouncilor ophakamela phezulu ma sithe sehlisa inyembezi kuye, waba lesibindi wanganaki ngobunzima bomthwalo esimthwalisa wona. Simangele ngesikhatshana nje esesibikela ukuthi sezesulwe inyembezi zethu sethole okungasiza isigaba. Ngakho ngyambonga kakhulu kahlale enjalo ephakamela phezulu ma sithe sakhalaza kuye,” kusitsho umnu Nare.
> 𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴
𝗗𝗶𝗱𝗬𝗼𝘂𝗞𝗻𝗼𝘄 it pays to advertise with Ntepe-Manama Community Radio. You can contact us on the following details.
𝗖𝗮𝗹𝗹𝘀:0772462909.
𝗪𝗵𝗮𝘁𝘀𝗔𝗽𝗽 0779308003 𝗲𝗺𝗮𝗶𝗹:ntepemanama@gmail.com.
Follow the Ntepe-Manama Community Radio 97.0 channel on WhatsApp: https://whatsapp.com/channel/0029Vab45XdKGGGD1NN4iL3S
Come Advertise With Us.
