11 Nkwenkwezi 2024
Ngu Pinky Moyo.
![](https://ntepemanama.org/wp-content/uploads/2024/05/img_4829-1-931x1024.jpg)
GWANDA SOUTH-Izakhamizi zika ward13 zithwele amagabha avuzayo ngokubanjelwa kwenkomo zabo edamu le Garanyemba ngenxa yokuphela kwamanzi kubangelwa yikungani kuhle kwezulu, lesomiso.
Ukwenyula inkomo ezibhanjelwe edakeni sekuyinhlala yenza kuzakhamizi zeGaranyemba. Lokhu sekubangele ukuthi abalimi bahlalele evalweni lokulahlekelwa yizifuyo.
Abalimi bakulowo mango sebezame ukufaka imibono ngokungenziwa ukuthi kuvikelwale izifuyo zabo bebonisana lo Member of Parliament kanye lo Councillor wabo.
UEdward Ndlovu oyisikhamuzi eGaranyemba uthi uhulumende ngabe uyangenela kusimo ababhekane laso
“Abantu abasebenzi inengi lithembele kuzo lezifuyo ezifayo, kathesi ngicabanga ukuthi yisikhathi sokuba izosebenzi zikahulumende, inkokheli zomdabu zigqugquzele ukuba amadamu alungiswe.”
“Inkokheli zizame zibone ukuthi kuyatholakala umtshina kugejwe besekubonakala ukuthi kuzaqhuba isikhathi esinganani. Uzulu sehluphekile ngemfuyo ebanjelwa edakeni,” kutsho uNdlovu.
Eminye yemibono abaphume layo ngeyokuthi kuvikelwe indawo eseziphele amanzi ngokubiya ngameva kanye lokuthenga ucingo lokuhonqolozela indawo lezo ukuze izehlakalo zokubanjelwa kwenkomo edakeni zingahlali zisanda zikhathi zonke.
Omunye wezakhamizi, uShepherd Moyo uthe kuba kuhle ukuthi abantu babambane kukhitshwe imali zokuthenga ucingo.
“Kungcono kukhitswe izimali ngemizi kungakhathalekile ulenkomo kumbe awula ukuze kuvikelwa izifuyo ekubanjelweni edamu okungabangela ukungcola kwedamu ngoba ezinye zicina zifela phakathi,” kusitsho uMoyo
Izanuse zomkhathi zibika ukuba umkhathi uyaguquka njalo isomiso sikuzinga eliphezulu, zibika ukuthi kule El-Niño njalo izulu lincane.@𝑵𝒕𝒆𝒑𝒆-𝑴𝒂𝒏𝒂𝒎𝒂𝑭𝑴