BY Mpokiseng Sibanda
Community Reporter
ZWABAGWAMBA- Izakhamizi zesigaba sika ward 15 eZwabagwamba ezilima kusivande seMpho garden zibe lokuthokoza olukhulu kunyanga edluleyo ngemva kokuba inhlanganiso yePractical Action iveza injongo yokubasekela ekulimeni kwabo.
Lokhu kuvele lapho inhlanganiso yePractical Action (Moriti oe Sechaba) iveza ukuba izakubanikeza umtshina wokugiga amabele.
Umtshina lowo usebenza ukhipha isikuba.
Omunye wabalimi kusivande lesi umnumzana Kwanele Ndlovu uthe
“Singaba lokujabula thize lapho singawuthola umtshina lowo ngoba siyabe sisenelisa ukuzuza imadlana ikakhulu kulabo abafuna ukugigelwa itshakada,” kutsho uMnu Ndlovu.
Isithembiso somtshina wekugiga amabele sihle saba yimvuselelo yokuba abalimi besivande lesi basebenze gadalala becenta isivande sabo ngemva kokuba besesigcwela amahlahla phakathi.
