BY KWAKHIWE DUBE
COMMUNITY REPORTER
SENGEZANE – Inengi lezakhamizi esiqintini seSengazane eGwanda South seliqalile ukulima kulandela ukuna kwezulu kunsukwana ezedlulileyo.
Omunye wabalimi, uMnumzana Enock Moyo uthi lanxa izulu liphuzile ukuna kuyathembisa ngoba selisina kulezinsuku.
“Kukudala ngalesisikhathi ngabe sesiqedile ukulima, asazi kumbe lizahamba izulu kumbe likhona kodwa okuqakathekileyo yikuthi inhlanyelo ihlale iphansi.”
Esinye isakhamuzi uMnu Gift Ncube uthe ufisa ukuthola isivuno esihle ukuze aziphilise lemuli yakhe ngoba impuphu ibiza ezikolo.
“Impuphu ayibambeki ezitolo, lasemadolobheni sebephila ngomgayiwa kungakho kumele sikhuthalele ukulima.”
Ababona ngomumo yomkhathi bathi bakhangelele ukuthi kube lezulu elilingeneyo kusiya kumnyaka ozayo.
