22 Nhlolanja 2024.
Ngu Liberty Mutamba.
Izakhimizi zeBengo sezincome uhlelo lo kuthontiselwa kwabantwana kuvikelwa iPolio. Loluhlelo luqhutshwa lugatsha lwabezempilakahle lokondliwa kwabantwana, bathi loluhlelo luqhuba kakuhle.
Izakhamizi zithi azisakhali ngokuhamba umango omide ukuze zelatshelwe abantwana.
UGladys Ndlovu uthi lolu hlelo luqakatheke kakhulu ngoba luvikela ikusasa yabatsha, njalo lubalanda emizini yabo.
“IPolio ngumkhuhlane obuhlungu ngoba uvame ukulimaza umuntu nxa sekhulile.Okwenziwa ngabe zempilakahle kuhle ngoba basilanda emizini yethu, lokhu kuqakathekile ngoba labahlala khatshana lezibhedlela bazasizakala lula,”kutsho uNdlovu.
UNkosikazi Martha Dube uthi inengi labantwana lizathola usizo ngoba izisebenzi zesibhedlela zibaphatha kuhle.
“Usizo esiluthola lapha luqakathekile, njalo abomongi labo mongikazi basiphatha kuhle. Babhalisa, bathontisela abantwana ngoku phangisa,” kutsho uDube.
Ugatsha lwezempilakahle lubika ukuba uhlelo lokuthontisela luqale ukuqhutshwa mhlaka 20 njalo luzaphela mhlaka 23 Nhlolanja lonyaka. Bathi bazabe bebhoda ezinkozweni, ezikolo, ezitolo lase mizini beqhuba lolu hlelo.
Abantwana bonke abangaphansi kweminyaka engu 10 kumele bangene kulolu hlelo.โ๐ต๐๐๐๐-๐ด๐๐๐๐๐๐ญ๐ด.
