9 Mpandula 2024
Ngu Milton Mashasha.
NTALALE- Ngeviki edluleyo bezithe gwaqa izakhamizi zeNtalale kuWard 11 ezikunhlanganiso YeNtuthuko leBeautiful Begining(NBB) okuyinhlanganiso ephathisa izakhamizi ukuba bazithuthikise ngokutshaya uqogelela lokwenza amabhizimisi amancane abalisa ukufuya inkukhu, ukuthengisa, ukweluka inwele kanye lokunye nje.
Bekuyinjabulo enkulu lapho abe NBB bezoxhaswa kugatsha lweBrethren In Christ Compassionate and Development Services(BIC-CDS) olukhokhelwa ngu Similosethu Ndlovu.
Unkosikazi Ndlovu owenhlanganiso yeBIC ubike ukuba injongo yabo ngeyokuncedisa abantu ezigabeni ikakhulu omama, labatsha ukuze bazithuthukise.
“Thina njengenhlanganiso yeBrethren In Christ Compassionate and Development Services(BIC – CDS) sikhona ukuncedisa abantu, ikakhulu nxa sikhangela ukuguquka komumo womkhathi, kumele sigcine ezemvelo, ukulima okungagugudi umhlabathi, yikho ngithi kini asilwisaneni lokuguquka komumo womkhathi, ukugcina inyosi akulani lokuguquka komumo womkhathi ziyasinceda empilweni, inhlanganiso lezi elikizo ezokulincedisa ngemali azilani lokuguquka komumo womkhathi siyatshaya imali sincedane njalo lenkukhu zemakhaya ukufuya azidingi ndleko ezinengi ngoba ziyaziphandela loba kulesomiso.
“Omama sifuna baphathise emulini hatshi ukumelela imali zabomkabo, ngilapha ukuzolixhasa, ngilikhuthaza ukuthi lihambe liyothuthukisa lokusungula amabhizimusi enu amancane okunjengokufuya inkukhu zemakhaya kanye lembuzi bakhona ababona ngempilakahle yezifuyo bazalincedisa, asilwisaneni lokuguquka komumo womkhathi singakuvumeli kusibisela emuva, “kubika uNkosikazi Ndlovu.
Umgcinisihlalo wenhlanganiso ye NBB, uNkosikazi Oppah Moyo ohlala eNyambi ngaphansi kukaMphathisigaba uPearson Sebata ubike ukuba bayancedakala kakhulu kunhlanganiso zokutshayelana imali.
” Siyancedakala kakhulu kulezinhlanganiso ngoba siyabhadala imali zabantwana zesikolo,sisungula loluhlelo besikhangelane kakhulu lomntwana oyinkazana, basuka baswele imali yokuqhubekela phambili ngezifundo zabo besebebona kungcono ukuyayenda bebancane yikho sibone ukuthi sikwenqabele lokhu ngokubahambisa esikolo, siyajabula leBIC isibuyile ukuzosixhasa besincedisa ngemali kuyasithokozisa lokhu njengabomama, ” kutsho uNkosikazi Moyo.
UActive Nyathi osakhulayo osuka koChivi eNtalale kuSobhuku uJames Sebata uthe ziyabaphathisa lezinhlanganiso.
” Mina ngithanda ukubonga kakhulu kubomama esincedisana labo kulezinhlanganiso ngoba konke kuhamba kuhle, kathesi ngiyathola imali kunhlanganiso ngidinge amahalatshisi ngiwathengise ngiyathola inzuzo sibili, ngiyacebisa ontanga ukuba labo baphatheke kulezinhlelo bathole ukuzisebenza, “kutsho uActive.
UMelina Nyathi ohlala eTshongwe uthe zihamba kahle ihlelo zokuncedisana ngemali.
โKonke kuhamba kuhle sibili siyancedisana ngokutshayelana imali, kodwa sibone kungcono ukuthi sifuye inkukhu zesitshebo ziyaphangisa ukuletha inzuzo njalo ephezulu, “kutsho uNkosikazi Nyathi.
Unkosikazi Lifalethu Ncube osuka kugatsha lwe Women Affairs, Community, Small and Medium Enterprises engu Community Development Coordinator kaWard 11 ufinqe kulumbuthano egcizelela ethi njengenhlanganiso bakhangela ukugcwalisa izifiso ikakhulu ezabomama, abasakhulayo kanye labagogekileyo.
“Omama, ontanga labagogegileyo sibafundisa ngokusungula amabhizimusi amancane kodwa uyathola ukuba abanengi abalawo amabhanga yikho abenelisi ukuthola imali ngoba bengelayo imali yesibambiso ukuze baboleke imali basungule amabhizimusi abo yikho siyabakhuthaza ukuthi batshaye imali yokuhlanganisa ukuze bathole imali zokubancedisa njengogatsha lwabomama siyancedisa njalo labagogegileyo asikhethi ngoba kukhona abangakwenza kungenani lokukhubazeka kwabo.
“Siyathokoza ngokuza kwenhlanganiso ye(BIC) ukuzosixhasa bengezelela isikhwama sehlanganiso zethu ukuze siqhubekele phambili ngamabhizimusi ethu okuzincedisa njengabomama, abatsha labagogegileyo esigabeni, “kubika uNkosikazi Ncube. โ๐ต๐๐๐๐-๐ด๐๐๐๐๐๐ญ๐ด
๐๐ถ๐ฑ๐ฌ๐ผ๐๐๐ป๐ผ๐ it pays to advertise with Ntepe-Manama Community Radio. You can contact us on the following details.
๐๐ฎ๐น๐น๐:0772462909.
๐ช๐ต๐ฎ๐๐๐๐ฝ๐ฝ 0779308003 ๐ฒ๐บ๐ฎ๐ถ๐น:ntepemanama@gmail.com.
Click the link below to join our WhatsApp Groups.
Come Advertise With Us.
