07 Lwezi 2025
Ngu Liberty Mutamba
Lonyaka ilanga le National AIDS Council lizathakazelelwa eMzingwane High esiqintini se Umzingwane, emhlubulweni wange Zansi yemaNdebeleni, mhlaka 1 Mpalakazi.
Usuku lwe AIDS luthakazelewa minyaka yonke, ngo Mpalakazi 1 lapho uzulu uyabe ekhumbula izihlobo labangane ababulawa ligciwane le HIV/AIDS.
Lonyaka ilanga leli lizathakazelelwa ngaphansi kwendikimba ethi ‘Overcoming disruption transforming AIDS response.’
Osabambe isihlalo sikamqondisi wezemibiko kugatsha lwe NAC uTrust Govere uthi amalungiselelo aqhuba ngendlela.
“Lonyaka umdlalo we National AIDS Council uzaqhutshwa esiqintini se Umzingwane. Lonyaka sithakazelela abangane bethu abadlula emhlabeni ngaphansi kwe gciwane le HIV/AIDS. Indikimba yalonyaka ikhangela njalo ukuthi silwisa njani igciwane leli ngaphansi lokuba uzulu uphatha njani inhlelo esiziqhubayo ukuze silwise igciwane leli.
Kuzabe kulabantu abasuka kundawo zonke zelizwe. Kuzabe kulabaculi abakhangelelwe ukwethula ukudla kwamehlo,” kubika uGovere.
Ilizwe leZimbabwe selenelise ukubamba target ye 95-95-95 lapha i96% labantu sebesazi isimo sabo segciwane le HIV, kukanti i96% isehlelweni lwamaphilisi njalo i96 % ile viral load yabo esesimeni esiqondileyo.
