12 Lwezi 2025
Ngu Liberty Mutamba
Sekungamhlophe kuqembu leSuper Strikers nanko phela seliqeda iligi lingaphezulu kwengalane, lokhu sekulivulele indlela eqonda ku Central Region Soccer League, Division One(D1) ngomnyaka ozayo.
ISuperstrikers isiqeda iphezulu kwengalane yeMatabeleland South Division two, okwakhathesi itshiye Mawabeni ngamapoint ayisificamunwe munye.
Nyakenye iqembu leMawabeni bekumele lingene ku Divison One le Gwanda Pirates ngokuswelakala kwenhlahla laphindela kuDivision two.
Uhambo lwe Super-Yoyoyo belungekho lula, bengqikilana lamaqembu aselesikhathi ekuleyo ligi njalo lamatsha abetshengisa umfutho kuli sizini.
Umqeqetshi we Super strikers umnu Phakamile E. Lisimati utshayele iqembu lakhe ihlombe esithi ukuphakamisa inkezo bekungumsebenzi ongekho lula.
“Kuyasijabilisa ukuthi sinqobe kuligi leyi, bekungekho lula sihlangana lamaqembu amatsha lamadala abetshengisa umfutho isizini yonke. Besiligiqa labo Mawabeni FC iqembu ebelimele lidlale kuD1 kuthi iVhembe Stars Academy iqembu elitsha lalo lenze umncintiswano lo wabalomfutho.
“Ngibonga abasekeli, ubukhokheli labadlali beqembu siqhube kuhle saze senelisa ukunqoba. Ukusebenza ndawonye kwenze umsebenzi wethu wabalula. Namhla siyathokoza ukuba zintshatshu,” kubika uLisimati.
Umqeqetshi Lisimati uthi kumele bakhweze izinga ngoba ku Divison One kunengi okudingakalayo.
Sesisiya kuDivision One lapho esizabe sesiligiqa labantu be Gokwe, Gweru indawo ezikhatshana lokhu kutsho ukuthi kumele sikhweze izinga esihamba ngalo khathesi,” kubika uLisimati.
Lonyaka iMatabeleland South Pool A ibilamaqembu alitshumi lanhlanu.
ISuper strikers isilandele osowabo abadlala ku Divison One ababalisa iZRP Police, Blanket, Gwanda Pirates, West Nicholson emaqembu la, adabuka eGwanda.
