22 Lwezi 2025
Ngu Milton Mashasha
Abalimi bePaswana Humbane Irrigation Scheme eseManama kumfula uTuli kuWard 17 balethemba lokuthola isivuno esihle kakhulu lonyaka.
Lokhu bakukhangelele kuzilimo ezinjenge butternut, umumbu, amakhabe kanye lebilebile.
Ekhuluma lentatheli yoMsakazo kazulu uMnuzana Polite Ndlovu ohlala enumber 8 esigabeni seHumbane ongumlimi ePaswana Irrigation ubike ukuba bakhangelele isivuno esihle kuzilimo zabo.
“Njengabalimi sikhangelele ukuthola isivuno esihle kuzilimo zethu. Sikhangelele ukuvuna okungcono kubutternut lebilebile. Isibanga izilimo ezikiso lezulu leli elithembisayo sibona kuphuma ngendlela esiyikhangeleleyo. Sikhulekela ukuthi izulu lihlale likhona ukuze singadani eskucineni.
“Lezi zilimo zithandwa nguzulu ikakhulu sikhangela ukuthi kulesikolo iManama High kanye lesibhedlela, sikhangelele ukuthengisela khona. Silethemba njalo ukuthi kungaphuma kahle ezinye izilimo sizazama ukudinga umkambo edolobheni,” kubika uNdlovu.
Uqhubekele phambili esithi ukulima kuyaphathisa egumeni lakhe lakusigaba jikelele.
“Ukulima kuyasiphathisa ukuthuthukisa imuli zethu, sithola ukudla, sifundisa abantwabethu, ukuphathisa abaswelayo kanye lokuthuthukisa isigaba ngoba ukusutha lokuphucuka kwemuli isigaba laso siyakhula,” kubika Ndlovu.
UNkosikazi Sibusisiwe Moyo ongomunye wabalimi kuliIrrigation yePaswana Humbane uthe balombida, ibutternut kanye lamakhabe.
“Silime umbida, ibutternut,umumbu kanye lamakhabe kuliIrrigation njalo amakhabe lomumbu sikhangelele ukudla ngoMpalakazi, njalo ukhuthaza izulu ukuthi asondele kukhona okunengi abangakuthola ngokukhulumisana njengezakhamizi bebafakela izandla,” kutsho uNkosikazi Moyo.
UMnuzana Luka Maphosa ohlala eBengo ongumlimi ePaswana ubike ukuba bakhangelele isivuno esihle kuzilimo zabo.
“Sikhangelele isivuno esihle kuzilimo zethu ikakhulu kuma-butternut lebilebile. Sesithembele kumumbu okhanya ukhula kahle njalo lamakhabe esikhangelele ukuthi ayaphuma kunyanga ezayo.
“Ithemba lethu okwakathesi likumabutternut lebilebile yizo izilimo ezihlambulukileyo okutshengisa ukuthi kuzasinika isivuno esihle njalo lenzuzo sesingayithola ngoba bekhona abazifunayo lezo zilimo,” kubika uMnuzana Maphosa.
