23 Mbimbitho 2026
Ngu Liberty Mutamba
Kuyehle iyezi elimnyama endaweni ye Makwe, Gwanda North lapho okubhubhe abantu abathathu, betshela endlini (Cabin) ekade belele kuyo eLone Mine, ngeviki ephelileyo.
Amapholisa abika ukuba abathathu laba batshe okuzwisa ubuhlungu okwehlule ukuthi baqanjwe ngamabizo. Kumbiko oyethulwe ngamapholisa abathathu laba bathwalelwe eGwanda Provincial Mortuary njalo amapholisa asaphenya kabanzi loludaba.
“Kubelengozi yomlilo ngeviki ephelileyo, 19 Mbimbitho eLone 50 compound Mine Makwe Gwanda North, ngabo 10 ebusuku lapho icabin ebilele abantu abathathu ilumathe umlilo yabatshisela phakathi. Imzimba yabo siyithwalele eGwanda Provincial Mortuary, ukuze kwenziwe ipost mortem. Sesivule njalo uphenyo lokuba sidingisise isisusa salumlilo,” kubika amapholisa.
Kusenjalo amapholisa eZansi yema Ndebeleni asebambe uMatthew Sakabvundura (42) emgceleni we Beitbridge ethwele izikhwebu zembanje elitshumi lanye 11. Kuthi ePlumtree uSimelinkosi Sibanda (40) lo Simelinkosi Sibanda (37) babanjwe betshathike imixhaka eyi 448 phakathi komgqomo.
Isikhulumeli samapholisa eZansi yemaNdebeleni uInspector Chiratidzo Dube uqinisekisile loludaba.
