Ngu Jonah B Moyo
GWANDA-USomabhizimusi uSir Wicknell Chivayo usethembise ukuthi uzancedisa uNkosihlengile Clemency Ndlovu(24) owe Gwanda eSpitzkop North ngemali engange USD $10 000. Limali izanceda kundleko zonke ezifunakalayo esibhedlela ukuze uNdlovu athole ukwelatshwa esibhedlela.
UNdlovu wangena engozini yomgwaqo walimala okwadala ukuthi athwale nzima ukudla, esibhedlela kufuneka imali engange USD$ 4900 ukuze ayenziwe i surgery.
UChivayo uthembise ukuba kusasa ekuseni uzafaka imali ukuze ujaha lo, owe Gwanda ofunda eLupane State University athole ukwelatshwa.
“Kusasa ngoMvulo ekuseni ngo 08:30am ngizafaka iUSD 10 000 yokuncedisa uNdlovu owele engozini yomgwaqo. Ngimfisela ukuthi athole ukuphola masinyane,” kutsho uChivayo kunkundla zokuxhumana.
UNdlovu ukumnyaka wakhe wokucina eLupane State University.
