BY KWAKHIWE DUBE
COMMUNITY REPORTER
ZIVULIWE izikolo emaphandleni aseGwanda kulabo abenza ugwalo lwesikhombisa kuzinga lePrimary logwalo lwesine lesithupa kuzinga leSecondary.
Basukumele phezulu abantwana lapha bephindela ezikolweni ngemva ngezinyanga ezinengi bengafundi.
Intatheli kaMsakazo kaZulu ilubhekise eSengezane Primary School izolo lapho abafundi bebephezu kwezifundo zabo.
Abafundi bebesendlini yokufundela eyodwa kukanti uhlelo lokugeziswa izandla (sanitising) bekukhanya lusilela emuva.
Abantwana baxwayiswe ukuba ngasonke sonke isikhathi begqoke ama mask njalo abe ehlanzekileyo.
Umbiko osuke kumphathisikolo yikuba isikolo sibhekane lodubo lapha okwavela ingozi emayelana leyinye indlu yokufundela eyabhidliswa lizulu elikhulu ngomnyaka ka2019 efuna ukuvuselelwa.
Umphathisikolo uhambise umlayezo kubazali ukuba kufuneka izitina, itshebetshebe lenhlabathi yokwakha ngomtwana ngamunye.
