BY Siphosenkosi Ndlovu
Community Reporter
MAWULU-Abalimi besigabeni seMawulu engadini yeNtsimbane bajabule kakhulu ngokuxhaswa yinhlanganiso yeAmalima ebanikeze isola yokuthelelisa eyenza ukulima kwabo kubelula.
Abalimi laba balima izilimo ezibalisa umumbu, imibhida kanye lengqoloyi njalo bathi ukulima kuyabancedisa kakhulu kundingeko zabo emakhaya.
Omunye wabalimi uNkosikazi Sandra Masango uthe:
“Ingadi le iyangisiza kakhulu selokhu ngaqala ukulima ngoba ngiyavuna kahle njalo ngibonga usizo esalutholayo olwamasola ngoba asisasebenzi nzima sesibotoza imitshina,” kutsho uNkosikazi Masango.
Omunye wabalimi uthe yena umangoye wayelala eziko ngensuku ezedlulayo kodwa wenela ukuba ngomunye wabalimi wabona inguquko enkulu kakhulu ngoba kasalali engadlanga.
Ubuye njalo wachaza ukuba kancedakali ngokudla kuphela kodwa sesenelisa ukubhadala indingeko zesikolo.
Aabalimi babuye baphawula ukuba osokuludubo kibo yikuswelakala kwemithi yokufafaza ngoba kulezibungu ezidla izilimo zabo.
Nyakenye abalimi bengadi yeNtsimbane babiza abangabe belesifiso sokuba ngabalimi kodwa abantu abazange basukumele phezulu ngoba bethi ukuthelelela ngezingonxa kunzima.
