4 Ncwabakazi 2023
Ngu Liberty Mutamba
Induna zeZansi yemaNdebeleni sezikhethe induna ezintsha ukuba ziqhube kunkundla yeNational Chief Council, inkokheli zomdabuko zikwenze obala izolo ku khetho oluqhutshwe yi Zimbabwe Electoral Commission (ZEC) edolobheni lase Gwanda.
Ukhetho lwezinduna obelulo kuthula lokubambana lutshengise ukuba izigaba zokhetho sezikuzinga eliphezulu kwezokhetho, uzulu uzaqhuba ukhetho mhlaka 23 Ncwabakazi lonyaka.
Abazangena ku Chiefs Council bedabuka eZansi yemaNdebeleni yinduna uSitaudze (30)we BeitBridge, induna uBidi (30)we Matobo, induna uMpini (32)we Bulilima, lenduna uNdube(38) wesiqintini seInsiza.
Induna zincome ukuthula kokhetho oluqhutshwe kungela ngxabano.Umsakazo kazulu uxhumane lenduna uMasuku ye Matshetsheni exwayise uzulu ukuba aqhube ukhetho olufanayo.
“Induna ziqhube ukhetho olulokuthula, bezwanana, akubangana lensolo. Sixwayisa uzulu ukuba alingise lokho okwenzwe ngama khosi. Ngikhuthaza labo abakhankasayo ukuba bekwenze ngendlela engeke ihlukuluze umakhelwane,” kutsho uMasuku.
lnduna uSitaudze (David C Mbedzi) ibike ukuba ukhetho luqhutshwe ngobunono njalo lunike induna ezisakhulayo ithuba.
“Ukhetho luqhutshwe ngokuthula kungela dlame. Ngijabulela ukuba kungene induna ezisa khulayo ezizaqhuba umsebenzi ngelihlo lengqubekela phambili njalo iqhutswe ngokuphangisa,” kubika uSitaudze.
Induna zigqugquzele ukuthula kuzulu wonke jikelele laba khankasayo. Zithe ukuhluluzwa kwabo mama, laba khubazekileyo obekuvamile, kumele kuphele.
Omkhulu kuZEC eZansi yemaNdebeleni uRabson Nyoni utshayele izinduna ihlombe ngokuqhuba ukhetho olulokuthula.
“Ukhetho lwezinduna beluthule kungela ngxabano. Sifisa ukuba uzulu aqhube ukhetho olufanayo mhlaka ka 23 Ncwabakazi. Siyajabula njengabe ZEC ukuba akuzange kwaba lensolo okutshengisa ukuba induna zijabulele impumela yazo,”kutsho uNyoni.
EZansi yemaNdebeleni iChief Council ibibanjwe zinduna ezine uMasuku, uMasendu, uGwebu Kanye loSibasa.
UMongameli wezinduna uzakhethwa mhlaka10 Ncwabakazi, ikanti amaSenator azakhethwa ngemva kokhetho, mhlaka 24 Ncwabakazi.Ntepe-Manama FM 97.0
Labo abafuna uku Advertiser amabhizimusi abo lingasithinta kulezi nombolo,
calls: 0772462909. WhatsApp: 0779308003. email: ntepemana@gmail.com
Hlaba i link elandelayo ukuze ungene ku WhatsApp Group yethu
