23 Ntulikazi 2023
NGU LIBERTY MUTAMBA
Bathwele imikhono ekhanda abahlali be Phakama edolobheni lase Gwanda ngemva kokudlula kowesililsa emhlabeni kubangwa intombi.
Kubikwa ukuba esukwini olwedluleyo umuyi uBaron Sibanda (33) ubelele lentombi (ibizo siligodlile) othengisa umzimba andubana kufike ijaha endlini lidinga leyo ntombi. Lokhu kudale ingxabano kumajaha amabili, umuyi wasetshaywa ngembodlela ekhanda, wafa kwemva kwama hola ambalwa.
UMsakazo kaZulu uxhumane loEdward Moyo oyisihlobo sika muyi oveze ukuba bakhathezekile ngesiga lesi.
“Kukhanya uBaron ubethandana laleyo ntombi, yasibahlangisa, lokhu kwasekuvusa ingxabano ebangele ukubhubha kwakhe. Kubuhlungu kakhulu ngoba siyabe sikhangelele ukuthi uzasigcina nanko sesitshiya ngendlela ebuhlungu kanje.
“Ngikhuthaza intsha ukuba bengangeni kusehlakalo esinje, lokhu kube yisifundo kubo bonke,” kutsho u Moyo.
UVusumuzi Moyo oyisakhamuzi sedolobheni leGwanda uthe lokhu sekuvamile edolobheni lase Gwanda.
“Kubuhlungu kakhulu sibili lokhu, kodwa indaba ezinje sinathisana itiye ngazo malanga onke. Kumele sibambane ukuze lokhu kuphele edolobheni lethu,” kubika uMoyo.
Obambele isikhulumeli samapholisa kweleZansi yemaNdebeleni uMnumzana Thandolwenkosi Moyo utshele uMsakazo kaZulu ukuba udaba lolu selufikile emapholiseni.
“Indaba le isifikile emapholiseni isicubungulwa. Sixwayisa uzulu ukuba anga sebenzisi udlame uma exazulula ingxabano,” kutsho uMnu Moyo.
Amapholisa aphezu kophenyo lokudinga uPrince okucatshangelwa ukuba ulesandla ekudluleni kukamuyi.
Those who wish to advertise their businesses with us, you may contact the following contacts calls: 0772462909. WhatsApp: 0779308003. email: ntepemana@gmail.com Click the following link to join our WhatsApp group.
